చాలా మంది ధనవంతులు బ్రేక్ ఫాస్ట్ ఒక దేశంలో, లంచ్ ఒక దేశంలో, డిన్నర్ మరో దేశంలో చేసే స్తోమత ఉంటుంది.ఇలా ఒకే సారి రెండు ప్రాంతాల్లో గడపడం ధనవంతులకే సాధ్యం అని అంతా భావిస్తారు.
ఆశ్చర్యకరంగా ఓ కుటుంబం విషయంలో మాత్రం ఇది నిజమైంది.కరెక్ట్‌గా సరిహద్దులో వారి ఇల్లు ఉండడంతో ఇలా జరుగుతోంది.
దీంతో ఒక రాష్ట్రంలో వారు తింటే మరో రాష్ట్రంలో పడుకుంటున్నారు.చంద్రాపూర్ జిల్లా సరిహద్దులోని జీవాతి తహసీల్ మహారాజాగూడ గ్రామంలో ఈ వింత చోటు చేసుకుంది.
మహారాష్ట్ర, తెలంగాణ సరిహద్దులో ఇది ఉంది.ఇక్కడ ఉన్న పవార్ ఇల్లు రెండు రాష్ట్రాల్లో సగం సగం ఉంది.
ఏళ్ల తరబడి రెండు రాష్ట్రాలకు ఆస్తిపన్ను చెల్లిస్తున్నాడు.
అతడి కుటుంబం వారు రెండు రాష్ట్రాల నుంచి సంక్షేమ పథకాలను అందుకుంటున్నారు.
మహారాష్ట్ర మరియు తెలంగాణలలో రిజిస్ట్రేషన్ నంబర్లతో స్వంత వాహనాలను కూడా కలిగి ఉన్నారు.ఇది వింతగా అనిపించవచ్చు కానీ ఇది నిజం.
మహరాజ్‌గూడ గ్రామంలోని ఈ 10 గదుల ఇంట్లో పవార్ కుటుంబం నివసిస్తోంది.ఇంట్లో నాలుగు గదులు తెలంగాణలో ఉండగా నాలుగు గదులు మహారాష్ట్రలో ఉన్నాయి.వంటగది తెలంగాణలో ఉండగా, పడకగది, హాలు మహారాష్ట్రలో ఉన్నాయి.10 గదులున్న ఈ ఇంట్లో ఇద్దరు సోదరులు ఉత్తమ్ పవార్, చందు పవార్‌ల మొత్తం 13 మంది కుటుంబ సభ్యులు ఏళ్లుగా నివసిస్తున్నారు.1969లో ఎట్టకేలకు సరిహద్దు సమస్య పరిష్కారం కావడంతో పవార్ కుటుంబానికి చెందిన భూమి రెండు రాష్ట్రాలుగా విడిపోయింది.
ఇల్లు కూడా విభజించబడింది.అయితే ఇరు రాష్ట్రాల్లో ఆస్తిపన్ను చెల్లిస్తున్నందున ఆ కుటుంబానికి ఇప్పటి వరకు ఎలాంటి ఇబ్బందులు కలగలేదు.ఈ విషయంపై ఉత్తమ్ పవార్ మాట్లాడుతూ, ‘మా ఇల్లు మహారాష్ట్ర మరియు తెలంగాణ మధ్య విభజించబడింది, కానీ ఇప్పటివరకు మాకు దానితో ఎటువంటి సమస్య లేదు, మేము రెండు రాష్ట్రాల్లో ఆస్తి పన్ను చెల్లిస్తున్నాము.
రెండు రాష్ట్రాల పథకాల ప్రయోజనాలను పొందుతాము’ అని పేర్కొన్నాడు.మహారాష్ట్ర-తెలంగాణ సరిహద్దు వెంబడి ఉన్న 14 గ్రామాలపై మహారాష్ట్ర, తెలంగాణ రెండూ కోర్టులో దావాలు వేశాయి.గ్రామాలు మహారాష్ట్రకే చెందుతాయని సుప్రీంకోర్టు తీర్పునిచ్చినా, తెలంగాణ తమ గ్రామాలు అని వాదిస్తూనే ఉంది.
తెలుగు వార్త విశేషాలు సులభముగా తెలుసుకోండి!!!!
