ఆ పార్టీలోకి వెళ్లాలని పొంగులేటి కి జగన్ సలహా ? 

ఏపీలోనూ అనేక కాంట్రాక్టులు శ్రీనివాస్ రెడ్డి చేస్తున్నారు.ఇక బీఆర్ఎస్ నుంచి బయటకు వచ్చిన తర్వాత జగన్ తో పొంగులేటి అనేకసార్లు సమావేశం అయ్యారు.  తాజాగా మరోసారి జగన్ తో భేటీ పొంగులేటి భేటీ అయ్యారు.

ఏ పార్టీలో చేరాలనే విషయంలో జగన్ క్లారిటీ ఇచ్చారట.ప్రస్తుతం ఉన్న పరిస్థితుల్లో కాంగ్రెస్ లో చేరడమే మంచిదని జగన్ సూచించినట్లు విశ్వసనీయ వర్గాల ద్వారా తెలుస్తోంది.

రెండు రోజుల క్రితమే కాంగ్రెస్ అగరనేత రాహుల్ గాంధీ టీమ్ తో పొంగులేటి శ్రీనివాస్ రెడ్డి చర్చించారట.ఈ సందర్భంగా సీఎల్పీ నేత మల్లు భట్టు విక్రమార్క,  పోదెం వీరయ్య నియోజకవర్గాలు మినహా,  ఉమ్మడి ఖమ్మం జిల్లాలో పొంగులేటి సూచించిన వారికి టిక్కెట్లు ఇచ్చేందుకు తాము సిద్దమని రాహుల్ గాంధీ టీమ్ స్పష్టం చేసిందట.

ఇదే విషయాన్ని జగన్ వద్ద పొంగులేటి ప్రస్తావించగా,  ఖమ్మం జిల్లాలో ఎలాగూ బిజెపికి బలం లేదు.కాబట్టి అక్కడ బలంగా ఉన్న కాంగ్రెస్ లో చేరితేనే మంచిదని జగన్ సూచించారట.అంతేకాదు తెలంగాణలో కాంగ్రెస్ అధికారంలోకి వస్తే కీలకంగా మారవచ్చు అని జగన్ పొంగులేటికి సూచించారట.దీంతో బిజెపిలో చేరాలని ముందుగా భావించిన పొంగులేటి జగన్ సూచన మేరకు కాంగ్రెస్ లో చేరేందుకు సిద్ధమవుతున్నట్లు విశ్వసనీయ వర్గాల ద్వారా తెలుస్తోంది.

ఇక పొంగులేటి బాటలోనే మాజీ మంత్రి జూపల్లి కృష్ణారావు( Jupally Krishna Rao ) కూడా వెళ్ళబోతున్నారట.