క్రాస్ ఓటింగ్ బాగా జరిగిందా ? ఎగ్జిట్ పోల్స్ లో వాస్తవమెంత ? 

ఏపీలో ఎగ్జిట్ పోల్స్ ఫలితాలు విడుదల కావడంతో ఇప్పటి వరకు వాటి కసం ఆసక్తిగా ఎదురుచూసిన వారంతా ఎగ్జిట్ పోల్స్ రిజల్ట్ పై అనేక విశ్లేషణలు చేసుకుని ఒక క్లారిటీకి వచ్చారు.టిడిపి కూటమి ( TDP alliance )అధికారంలోకి వస్తుందని కొన్ని సంస్థలు తేల్చగా,  మరికొన్ని సంస్థలు వైసిపి( Ycp ) కే జనాలు పట్టం కట్టారని ఎగ్జిట్ పోల్స్ విడుదల అయ్యాయి.

ఎక్కువ సంస్థలు వైసిపి నే మళ్లీ అధికారం చేపట్టబోతుందని అంచనా వేశాయి.కాకపోతే గతంలో వచ్చిన సీట్ల సంఖ్య బాగా తగ్గుతుందని , కూటమి పార్టీలకు కూడా బాగానే సీట్లు వస్తాయని ఎగ్జిట్ పోల్స్ అంచనా వేశాయి.

  ప్రముఖ సర్వే సంస్థ ఆరా వైసిపిదే అధికారం అని తేల్చింది.ఇక ఏ బివీపీ – సి ఓటరు సర్వే మాత్రం శాసనసభ ఎన్నికల్లో వైసీపీకి ఎక్కువ స్థానాలు వస్తాయని,  లోక్ సభ స్థానాల్లో ఎన్డీఏ కూటమికే మెజార్టీ స్థానాలు దక్కుతాయని అంచనా వేసింది.

దీంతో భారీగా క్రాస్ ఓటింగ్( Cross voting ) జరిగినట్లుగా ఎగ్జిట్ పోల్స్ ద్వారా అర్థం అవుతుంది .సంక్షేమ పథకాలు బాగా పనిచేయడం వల్ల జగన్ అధికారంలోకి వస్తే,  మళ్లీ తమకు నగదు బదిలీ అవుతుందని,  బ్యాంకుల్లో సొమ్ములు జమ అవుతాయని , ఎక్కువ మహిళలు వైసిపి వైపే మొగ్గు చూపించినట్టు గా ఎగ్జిట్ పోల్స్( Exit polls ) ద్వారా తెలుస్తోంది.అయితే ఏపీలో అభివృద్ధి లేకపోవడం,  నిరుద్యోగ సమస్య , ఇతర కారణాలతో పురుష ఓటర్లు , ప్రభుత్వ ఉద్యోగులు కూటమి వైపు మొగ్గు చూపించినట్టు గా తేలింది .2019 ఎన్నికల్లో ఎగ్జిట్ పోల్స్ ను కొన్ని సంస్థలు విడుదల చేశాయి.

ఎన్నికల  ఫలితాలను  దగ్గర దగ్గరగా చెప్పగలిగాయి.2019 ఎన్నికల్లో ఇండియా టుడే వైసిపికి 130 నుంచి 135 స్థానాలు వస్తాయని చెప్పింది.టీడీపీకి 37 నుంచి 40 స్థానాలు దక్కుతాయని అంచనా వేసింది .సిపిఎస్ సంస్థ వైసీపీకి 130 నుంచి 133 స్థానాలు వస్తాయని  , టిడిపికి 43 నుంచి 44 స్థానాలు వస్తాయని అంచనా వేశాయి  అయితే ఎగ్జిట్ పోల్స్ అనేవి ఖచ్చితమైన ఫలితం కాదు కాబట్టి, వాస్తవ ఫలితం ఏంటి అనేది మరో రెండు రోజుల్లో తేలనుంది.