జంతు ప్రపంచంలో మనకు తెలియని ఎన్నో ఆశ్చర్యకరమైన విశేషాలు ఉంటాయి.ఈ విశేషాలు వైల్డ్‌‌లైఫ్‌ ఫోటోగ్రాఫర్ల దయవల్ల మనందరం తెలుసుకోగలుగుతాం.
ఈ రోజుల్లో స్మార్ట్ ఫోన్ వినియోగం పెరిగిన తర్వాత అడవిలోకి వెళ్లిన ప్రతి ఒక్కరూ ఏదో ఒక వింతని బయటపెడుతున్నారు.తాజాగా ఒక వ్యక్తి పిచ్చుకలకు, జింకలకు మధ్య జరిగే ఒక ఆసక్తికర విషయాన్ని వీడియో ద్వారా చెప్పకనే చెప్పారు.
ఈ వీడియో చూసి నెటిజన్లు ఆశ్చర్యపోతున్నారు.
వైరల్ అవుతున్న వీడియోలో బ్లాక్ కలర్ లో ఉన్న పిచ్చుకలు జింక పై వాలటం చూడొచ్చు.
ఈ పక్షులు పదుల సంఖ్యలో జింక పై వాలి దాని బొచ్చును తీసుకెళ్తున్నాయి.ఈ సమయంలో జింక కదలకుండా సహనంతో ఉంది.అలా అది పక్షులను తన బొచ్చుని తీసుకోనిచ్చింది.పక్షులు జింక వీపుపై తమ కాళ్ళతో గట్టిగా నొక్కుతూ దాని రోమాలను గట్టిగా పీకుతూ కనిపించాయి.
ఈ బొచ్చుతో పక్షులు మంచి గూడును కట్టుకుంటాయి.ఏదేమైనా ఒ
క బతికున్న జంతువులపై ఎలాంటి భయం లేకుండా పిచ్చుకలు వాడటం భలే ఆశ్చర్యంగా అనిపించిందని నెటిజన్లు కామెంట్ చేస్తున్నారు.
ఎర్త్ పిక్స్ అనే ఇన్‌స్టాగ్రామ్ పేజీ షేర్ చేసిన ఈ వీడియోకి మిలియన్ల కొద్దీ వ్యూస్, దాదాపు లక్ష వరకు లైక్ లు వచ్చాయి.ఈ వీడియోను చూసిన నెటిజన్లు ఫన్నీగా కామెంట్లు పెడుతున్నారు.ఈ జింక బొచ్చు వెచ్చగా ఉంటుందని, అందుకే పక్షులు దీంతో గూడుగా కట్టుకునేందుకు బాగా ఇష్టపడతాయని చెబుతున్నారు.అయితే పిచ్చుకలు ఏ మాత్రం భయం లేకుండా జింక బొచ్చు ఏదో ఫ్రీగా వచ్చినట్లు తీసుకెళ్లడం చూసి చాలామంది ఫిదా అవుతున్నారు.
జింక కూడా ఫ్రీగా హెయిర్ కట్ చేయించుకుంటుందేమో అని మరి కొందరు ఫన్నీగా కామెంట్ చేస్తున్నారు.
