భూమి విషయంలో చీటింగ్ చేస్తూ చంపుతానని బెదిరించిన వ్యక్తిపై కేసు నమోదు

సిరిసిల్ల పట్టణం( Sircilla ) అంబేద్కర్ నగర్ కి చెందిన శిరిగిరి రమేష్ అనే వ్యక్తి సిరిసిల్ల పట్టణం అంబేద్కర్ నగర్ కి చెందిన సిరిగిరి సురేష్ అనే వ్యక్తికి సర్వే నంబర్.112,129 ముస్తిపల్లి లో గల రెండు ప్లాట్స్ మొత్తం 320 గజాల భూమిని తేదీ 5-2-2015 నాడు అమ్మి వేములవాడ( Vemulawada ) సబ్ రిజస్ట్రార్ ఆఫీస్ నందు రిజిస్టర్ చేయడం జరుగుతుంది.శిరిగిరి రమేష్ అనే వ్యక్తి మరల తప్పుడు కాగితాలు తయారు చేసి, సంతకాలు ఫోర్జరీ చేసి అందులోని ప్లాట్స్ నంబర్ 16 గల 150 గజాల భూమిని తంగాల్లపల్లి కి చెందిన తక్కల్ల అశోక్ అనునతనికి అమ్మి తేది 24-05-2019 నాడు సిరిసిల్ల సబ్ రిజిస్టర్ ఆఫీస్ సిరిసిల్లలో రిజిస్ట్రేషన్ చేయడం జరుగుతుంది.

సిరిగిరి సురేష్ రమేష్( Suresh , Ramesh ) వద్దకి వెళ్లి నాకు 320 గజాల ప్లాట్ రిజిస్ట్రేషన్ చేసి మరల తక్కల్ల అశోక్ కి ఎలా అమ్ముతావ్ అని అడుగగా సిరిగిరి రమేష్ అనే వ్యక్తి నాకు మరల 80,000 రూపాయలు ఇస్తే మళ్ళీ రిజిస్ట్రేషన్ చేస్తానని చెప్పి అడిగితే చంపుతానని సురేష్ ని బెదిరించగా సురేష్ సిరిసిల్ల టౌన్ పోలీస్ స్టేషన్ లో పిర్యాదు చేయగా సిరిసిల్ల టౌన్ సి.ఐ రఘుపతి కేసు నమోదు చేసినట్లు తెలిపారు.సిరిగిరి రమేష్ కి సంబంధించిన బాధితులు నిర్భయంగా సిరిసిల్ల టౌన్ పోలీస్ స్టేషన్ లో లేదా జిల్లా పోలీస్ కార్యాలయంలో పిర్యాదు చేయవచ్చని తెలిపారు