సాధారణంగా ఒక వ్యక్తి ఒక మహిళను రెండో పెళ్లి చేసుకుంటే, ఆమె జీవితంలో మళ్లీ మొదటి భర్త రాకూడదని కోరుకుంటాడు.కానీ టెక్సాస్‌లో( Texas ) జేమ్స్ ఆర్మ్‌స్ట్రాంగ్( James Armstrong ) మాత్రం తన భార్య మొదటగా చేసుకున్న మరో వ్యక్తికి సపర్యలు చేస్తున్నాడు.
తన భార్య కోసమే అతడు ఇలా చేస్తూ గొప్ప భర్తగా పేరు చేచ్చుకుంటున్నాడు.ఆ భార్య పేరు క్రిస్,( Kris ) ఆమె మొదటగా 2006లో బ్రాండన్‌ను పెళ్లి చేసుకుంది.
అయితే బ్రాండన్( Brandon ) ఓ కారు ప్రమాదంలో వికలాంగుడిగా మారాడు.అతని పరిస్థితి దారుణంగా మారడంతో క్రిస్ చాలా బాధపడిపోయింది.అతడు ఇకపై సంసారానికి పనికిరాడు అని తెలిసినా ఆమె అతడు చేయిని వదలలేదు.అతడు కోలుకోవడానికి మరింత సహాయం చేయడానికి ఆమె కెరీర్‌ని కూడా మార్చుకుంది.
అయితే, సమయం గడిచేకొద్దీ, బ్రాండన్ సాధారణ వైవాహిక జీవితం గడిపేంతలా కోలుకోలేడని ఆమె గ్రహించింది.
క్రిస్ తన జీవితాన్ని కొనసాగించాలని నిర్ణయించుకుంది, కానీ ఆమె బ్రాండన్‌ను విడిచిపెట్టలేకపోయింది.ఆమె 2010లో అతని నుంచి విడాకులు( Divorce ) తీసుకుంది, కానీ అతని శ్రేయస్సు పట్ల తనకున్న నిబద్ధతను చూపిస్తూ అతని చట్టపరమైన సంరక్షకురాలిగా మారింది.క్రిస్ 2014లో జేమ్స్‌ను కలిసినప్పుడు, బ్రాండన్ పరిస్థితి గురించి ఆమె చెప్పింది.
ఒంటరి తండ్రి అయిన జేమ్స్ పరిస్థితులను అర్థం చేసుకుని అంగీకరించాడు.జేమ్స్ బ్రాండన్ పట్ల కనికరం చూపుతూ కుటుంబంలా చూసుకోవడంతో వారి బంధం మరింత బలపడింది.
జేమ్స్, క్రిస్ 2015లో వివాహం చేసుకున్నారు, తరువాత ఇద్దరు పిల్లలకు జన్మనిచ్చారు.జేమ్స్‌కు మునుపటి సంబంధం నుంచి ఒక బిడ్డ కూడా ఉంది.బ్రాండన్‌తో సహా కుటుంబం సన్నిహిత సంబంధాన్ని పంచుకుంటుంది.క్రిస్ తరచుగా బ్రాండన్‌ను అతను నివసించే సంరక్షణ కేంద్రం నుంచి ఇంటికి తీసుకువస్తుంది, అతడు వారి జీవితంలో అంతర్భాగంగా ఉండేలా చూసుకుంటుంది.
ఆమె ఇతరులకు స్ఫూర్తినిచ్చేలా జేమ్స్ మద్దతుతో సోషల్ మీడియాలో వారి జీవిత విశేషాలను కూడా పంచుకుంటుంది.వీరి గురించి తెలుసుకున్న నెటిజన్లు ఎమోషనల్ అవుతున్నారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
