నల్లగొండ జిల్లా:తిరుమలగిరి (సాగర్) మండల కేంద్రంలో వీధి కుక్కలు జోరుగా షికారు చేస్తుంటే ప్రజలు భయంతో బేజారెత్తిపోతున్నారు.గ్రామంలో ఎక్కడ చూసినా వీధి కుక్కలు గుంపులు, గుంపులుగా సంచరిస్తూ చిన్నా పెద్ద అని తేడా లేకుండా దాడి చేస్తున్నాయని గ్రామస్తులు ఆవేదన వ్యక్తం చేస్తున్నారు.
దీంతో బయటికి రావాలంటే రోడ్లమీద భయపడి పోతున్నామని,చిన్న పిల్లపై దాడి చేసి గాయపరుస్తున్నాయని వాపోతున్నారు.తిరుమలగిరి సెంటర్ లో ఉన్న మెయిన్ రోడ్డులో వచ్చిపోయే, వాహనాలపై,పాదచారులపై దాడి చేస్తున్నాయని,కుక్కల బెడద నుండి తప్పించుకునే ప్రయత్నంలో ప్రమాదాల బారిన పడుతున్నారని,కనీసం కుక్కల బెడద నుండి ప్రజలకు విముక్తి కల్పించాలనే ఆలోచన కూడా అధికారులకు రావడం లేదని ఆగ్రహం వ్యక్తం చేస్తున్నారు.
ఇప్పటికైనా గ్రామ పంచాయతీ అధికారులు కుక్కల బెడదపై దృష్టి సారించాల్సిన అవసరం ఉందని కోరుతున్నారు.
