టీడీపీ జనసేన పొత్తుపై ' ఎర్ర ' పార్టీల ఆశలు 

 ప్రస్తుతం ఏపీలో సిపిఐ, సిపిఎం ( CPM )పార్టీల పరిస్థితి అంతంత మాత్రమే అన్నట్టుగా ఉంది.గతంలో కంటే ఇప్పుడు బాగా బలహీనపడడం,  ఒంటరిగా ఎక్కడా పోటీ చేసి గెలిచే పరిస్థితి లేకపోవడంతో,  ఏదో ఒక పార్టీతో పొత్తు పెట్టుకుని ఒకటి రెండు స్థానాల్లో పోటీ చేసే ఆలోచనలో ఉన్నాయి.అది తప్ప మరో ఆప్షన్ ఆ పార్టీలకు కనిపించడం లేదు.

దీంతో జనసేన టిడిపిల మధ్య పొత్తు కుదిర్చే బాధ్యతలను వామపక్ష పార్టీలు తీసుకుంటున్నాయి.ఈ రెండు పార్టీలు పొత్తు పెట్టుకుంటే దాంట్లో భాగస్వామ్యం అయితే బిజెపి దూరమవుతుందని వామపక్ష పార్టీలు ఆశపడుతున్నాయి.

అందుకే పొత్తుల చర్చల కోసం దొరికిన ఏ అవకాశాన్ని వదిలిపెట్టకుండా వామపక్ష పార్టీలు వాడేసుకునే పనిలో ఉన్నాయి.  గతంలో టిడిపి జనసేనతో కలిసి పనిచేసిన అనుభవం వామపక్ష పార్టీలకు ఉండడంతో, ఆ రెండు పార్టీలకు మళ్ళీ దగ్గర అయ్యే సంకేతాలను పంపిస్తున్నాయి.

ముఖ్యంగా టిడిపి, జనసేన మద్య పొత్తుకుదురే విధంగా తామే చొరవ తీసుకుని రెండు పార్టీలను దగ్గర చేస్తే, ఆ క్రెడిట్ తమకే దక్కుతుందని భావిస్తున్నాయి.

 అలాగే టిడిపి, జనసేన మాత్రమే కాకుండా బిజెపి కూడా ఆ రెండు పార్టీలతో కలిస్తే ఇక ఒంటరిగా పోటీ చేయక తప్పదని, కానీ పోటీ చేసినా, గెలిచే పరిస్థితి లేదనే ఆందోళన వామపక్ష పార్టీల్లో కనిపిస్తోంది.అందుకే టిడిపి ,జనసేన విషయంలో అంత ఆత్రుతగా ప్రయత్నాలు చేస్తుంది.