TDP Janasena Candidates : టీడీపీ జనసేన : అభ్యర్థుల సినిమా ఒకేసారి రిలీజ్  ? 

తెలుగుదేశం, జనసేన( TDP Janasena ) పార్టీల మధ్య సీట్ల సర్దుబాటు వ్యవహారం ఒక కొలిక్కి రావడంతో, ఇక రెండు పార్టీలు ఉమ్మడిగా తమ అభ్యర్థుల జాబితాను ప్రకటించేందుకు సిద్ధమవుతున్నాయి.

విడివిడిగా అభ్యర్థుల జాబితాను( Candidates List ) ప్రకటించడం, జనసేనకు టిడిపి కేటాయించిన సీట్లపై ప్రకటన చేయడం కంటే, ఒకేసారి రెండు పార్టీలు తమ పార్టీల తరఫున పోటీ చేయబోయే అభ్యర్థుల జాబితా ప్రకటిస్తే మంచిదనే అభిప్రాయానికి రెండు పార్టీల అధినేతలు వచ్చినట్లు తెలుస్తోంది.

అయితే అంతకంటే ముందుగా అభ్యర్థుల జాబితాను ప్రకటించే ముందు పొత్తులో భాగంగా రెండు పార్టీలు కోల్పోతున్న నియోజకవర్గాల్లోని ఆశావాహులను బుజ్జగించే కార్యక్రమానికి శ్రీకారం చుట్టాలని, తప్పనిసరి పరిస్థితుల్లో సీటు కేటాయించలేకపోతున్నామని, పొత్తు కోసం త్యాగం చేయాల్సి వచ్చిందని, కచ్చితంగా పార్టీ అధికారంలోకి వచ్చిన తర్వాత కీలకమైన పదవులు ఇస్తామని ఆశావాహులు బుజ్జగించాలి అని నిర్ణయించుకున్నట్లు సమాచారం.