‘బాహుబలి’ సినిమా విడుదల దగ్గర పడుతున్నా కొద్ది సినిమాపై అంచనాలు తారా స్థాయికి వెళ్తున్నాయి.తాజాగా ఈ సినిమా 20 సెకన్ల ట్రైలర్‌ను విడుదల చేశారు.
అందులో శివగామి పాత్రలో రమ్యకృష్ణ కనబర్చిన నటన, డైలాగ్‌ డెలవరీ సూపర్బ్‌.సినిమాకు ఊపిరి అయిన శివగామి పాత్ర రమ్యకృష్ణతో చేయించి మంచే చేశాను అనుకుంటున్నాడు దర్శకుడు.
ఆయన నమ్మకం రమ్యకృష్ణ ఏ స్థాయిలో నిలబెట్టిందో అనేది ఈ ట్రైలర్‌ చూస్తేనే తెలుస్తోంది.ఇక ఈ సినిమా కోసం రమ్యకృష్ణ డబుల్‌ కష్ట పడ్డారు.
తెలుగు మరియు తమిళ సినిమాల్లో నటిస్తున్న రమ్యకృష్ణ ఇటీవల కాలంలో డబ్బింగ్‌ చెప్పింది లేదు.అయితే ఈ సినిమాకు మాత్రం రెండు భాషల్లో కూడా స్వయంగా డబ్బింగ్‌ చెప్పింది.
ఈ పాత్ర స్వభావం రీత్యా రమ్యకృష్ణ వాయిస్‌ అయితేనే బాగుంటుందని భావించిన రాజమౌళి ఆమె పాత్రకు ఆమెతోనే డబ్బింగ్‌ చెప్పించాడు.ఈ విషయాన్ని రమ్యకృష్ణ ట్విట్టర్‌లో చెప్పుకొచ్చింది.
తెలుగు తమిళంలో నేనే డబ్బింగ్‌ చెప్పాను, తమిళంలో భారీ డైలాగ్స్‌ చెప్పాల్సి వచ్చినప్పుడు కాస్త ఇబ్బంది పడ్డాను అంటూ ట్వీట్‌ చేసింది.
