జీరా వాటర్ మన వాడుక భాషలో చెప్పాలంటే జీలకర్ర నీళ్లు.చాలా మంది బరువు తగ్గడం కోసం జీరా వాటర్ ను తమ రెగ్యులర్ డైట్ లో చేర్చుకుంటారు.
జీరా వాటర్ జీవక్రియ రేటును పెంచుతుంది.వేగవంతమైన జీవక్రియ ఎక్కువ కేలరీలను బర్న్ చేస్తుంది.
బరువు తగ్గడంలో జీరా వాటర్ అద్భుతంగా తోడ్పడుతుంది.అందుకే ఉదయం లేవగానే ఎంతో మంది ఒక గ్లాసు జీరా వాటర్ తాగుతుంటారు.
అయితే జీరా వాటర్ వెయిట్ లాస్ కు మాత్రమే ఉపయోగపడుతుంది అనుకుంటే పొరపాటే.నిజానికి మరెన్నో సమస్యలకు సైతం జీరా వాటర్ చెక్ పెడుతుంది.
ముఖ్యంగా జీర్ణ సమస్యలకు( Digestive problems ) జీరా వాటర్ ఒక ఔష‌ధం అనే చెప్పుకోవ‌చ్చు.జీరా నీరు జీర్ణ ఎంజైమ్‌ల స్రావాన్ని ప్రోత్సహిస్తుంది.క‌డుపు ఉబ్బరం, మలబద్ధకాన్ని నిరోధిస్తుంది.అదే స‌మ‌యంలో మీ శరీరం ఆహారం నుండి పోషకాలను విచ్ఛిన్నం చేయడాన్ని మరియు గ్రహించడాన్ని సుల‌భ‌త‌రం చేస్తుంది.అలాగే మ‌ధుమేహం ఉన్న వారికి జీరా వాటర్ ఒక వ‌ర‌మ‌నే చెప్పుకోవ‌చ్చు.ఎందుకంటే, జీరా వాటర్ రక్తంలో చక్కెర స్థాయిలను నియంత్రించడంలో చాలా ఉత్తంగా స‌హాయ‌ప‌డ‌తాయి.
మ‌ధుమేహం వ్యాధి( Diabetes ) ఉన్న వారు ప్రతి రోజు ఉదయం ఒక గ్లాస్ జీరా వాటర్ తాగితే రక్తంలో చక్కెర స్థాయిలు స్థిరంగా ఉంటాయి.కొంద‌రికి అస్త‌మాను ఆక‌లి వేస్తుంటుంది.దీనినే అతి ఆక‌లి అంటారు.అతి ఆక‌లి వల్ల ఏదో ఒక‌టి తింటూనే ఉంటారు.ఫ‌లితంగా ఊబ‌కాయం, గుండె జ‌బ్బులు త‌దిత‌ర స‌మ‌స్య‌లు వ‌చ్చే రిస్క్ పెరుగుతుంది.కాబ‌ట్టి అతి ఆకలిని వ‌దిలించుకోవాలి.
అందుకు జీరా వాటర్ హెల్ప్ చేస్తాయి.జీలకర్ర గింజలు ఆకలిని అణిచివేసే ప్రభావాన్ని కలిగి ఉన్నాయని ప‌లు అధ్య‌య‌నాల్లో తేలింది.
నిత్యం జారా వాటర్ తాగితే అతి ఆక‌లి సమస్య దూరం అవుతుంది.అంతేకాదు, జీరా వాటర్ శరీరం నుండి విషాన్ని తొలగించడంలో సహాయపడే నిర్విషీకరణ లక్షణాలను కలిగి ఉంటాయి.
జీరా వాటర్ తాగితే మీ బాడీ డీటాక్స్ సైతం అవుతుంది.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
ఆరోగ్యం
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
