ఇమ్మిగ్రేషన్ ఫ్రాడ్‌కి పాల్పడ్డ ఎన్నారై.. భారీ జరిమానాతో గుండె గుబేల్!

కెనడాలోని మానిటోబా ప్రావిన్స్‌లో( Manitoba ) ఇమ్మిగ్రేషన్ వ్యవస్థను మోసం చేసే అడ్డంగా బుక్కయ్యాడు ఒక ఎన్నారై. భారతదేశానికి చెందిన ఈ వ్యక్తి ఆ మోసానికి పాల్పడినందుకుగాను అక్కడి ప్రభుత్వం 20,000 కెనడియన్ డాలర్లు జరిమానా విధించింది.అంటే మన డబ్బుల్లో అక్షరాలా రూ.12 లక్షలు.

ఆ వ్యక్తి పేరు అవతార్ సింగ్ సోహి.( Avtar Singh Sohi ) అతనికి 41 సంవత్సరాలు, ఇద్దరు పిల్లలు కూడా ఉన్నారు.అతను 2006 నుండి కెనడాలో( Canada ) నివసిస్తున్నాడు.కెనడా ఇమ్మిగ్రేషన్ అండ్ రెఫ్యూజీ ప్రొటెక్షన్ యాక్ట్ ప్రకారం తాను ఇమ్మిగ్రేషన్ అధికారులకు అబద్ధం చెప్పానని అంగీకరించాడు.

ఈ విషయాన్ని సీబీసీ న్యూస్ సోమవారం వెల్లడించింది.

మానిటోబాలోని కోర్టు సోమవారం ఆయన వ్యాజ్యాన్ని విచారించింది.

తాను భారతీయ మహిళను ఆయాగా( Nanny ) నియమించుకున్నానని అతడు చెప్పాడు కానీ దర్యాప్తులో అది అబద్ధమని తేలింది.ఆ మహిళ తన వద్దనే పనిచేస్తుందని అతడు నమ్మించాడు.

ఆ మహిళ కెనడాలో తాత్కాలికంగా పనిచేయడానికి అనుమతించిన ప్రత్యేక అనుమతిపై కెనడాకు వచ్చింది.ఈ అనుమతిని లేబర్ మార్కెట్ ఇంపాక్ట్ అసెస్‌మెంట్(LMIA) అంటారు.

ఉద్యోగం చేయగల కెనడియన్ పౌరుడు లేదా శాశ్వత నివాసి లేనప్పుడు మాత్రమే ఇది ఇతరులకు ఇవ్వడం జరుగుతుంది.

అయితే ఆ మహిళ వేరే చోట అక్రమంగా పనిచేస్తోంది.కాగా అవతార్ సింగ్ ఆమె తన వద్ద మార్చి 2019 నుండి జూలై 2021 వరకు పనిచేస్తున్నట్లు చూపించడానికి ఆమెకు ఫేక్ పే స్లిప్‌లను( Fake Pay Slips ) ఇచ్చాడు.ఆమె కెనడాలో శాశ్వత నివాసం కోసం దరఖాస్తు చేసుకునేందుకు సంతకం చేసిన కొన్ని పత్రాలను కూడా ఆమెకు ఇచ్చాడు.

ఇమ్మిగ్రేషన్ వ్యవస్థను మోసం చేసేందుకు అవతార్ నకిలీ పత్రాలను సృష్టించి మోసం చేశాడని ప్రభుత్వ న్యాయవాది మాట్ సింక్లైర్ తెలిపారు.ఈ విషయాన్ని ఆయన మీడియా కథనంలో తెలిపారు.

అతను జరిమానాగా 20,000 కెనడియన్ డాలర్లు చెల్లించాలని ప్రభుత్వం ఆదేశించగా అవతార్ అంగీకరించారు.దీనికి న్యాయమూర్తి కూడా అంగీకరించారు.ఈ నేరానికి గరిష్టంగా 50,000 కెనడియన్ డాలర్ల జరిమానా లేదా రెండు సంవత్సరాల జైలు శిక్ష అని కోర్టు పేర్కొంది.అవతార్ చర్యలు ఇమ్మిగ్రేషన్ వ్యవస్థ యొక్క నమ్మకాన్ని దెబ్బతీశాయని, వాటిని ఖండించాలని, నిరుత్సాహపరచాలని సింక్లైర్ అన్నారు.