ప్రముఖ వేరబుల్స్ బ్రాండ్ అమేజ్‌ఫిట్ ఫ్యాషన్ ప్రియులకు మరో సరికొత్త ఫిట్‌నెస్ బ్యాండ్ అందుబాటులోకి తీసుకు రానుంది.అమేజ్ ఫిట్‌బ్యాండ్ 7ను ఈ నెల 8న భారతదేశంలో మార్కెట్‌లోకి తీసుకు రానుంది.
అమేజ్ ఫిట్ బ్యాండ్ 7ను ఒక్కసారి ఛార్జ్ చేస్తే గరిష్టంగా 18 రోజుల బ్యాటరీ లైప్ ఉంటుంది.మార్కెట్‌లో లభించే చాలా బ్యాండ్‌లు చాలా స్లిమ్ ఫారమ్ ఫ్యాక్టర్‌ను కలిగి ఉంటాయి.
అమేజ్‌ఫిట్ బ్యాండ్ 7తో హానర్ బ్యాండ్ 6-శైలి ప్రదర్శనను ఎంచుకుంది.అమేజ్ ఫిట్ బ్యాండ్ రూ.2999 ధరకు నవంబర్ 8, 2022న మార్కెట్ లోకి విడుదల చేయనున్నారు.అయితే దీనిని పోస్ట్ లాంచ్ ధర రూ.3499కి పెంచనున్నట్లు కంపెనీ ప్రకటించింది.బ్యాండ్ అమెజాన్‌తో పాటు అమేజ్‌ఫిట్ అధికారిక వెబ్‌సైట్‌లో విక్రయించనున్నారు.
అమాజ్‌ఫిట్ బ్యాండ్ 7 ఫీచర్లు అద్భుతంగా ఉన్నాయి.ఇది 1.47-అంగుళాల హెచ్‌డి అమోలెడ్ డిస్‌ప్లేను కలిగి ఉంది.ఇది మునుపటి తరం వాచ్ కంటే 112 శాతం పెద్దది అని కంపెనీ తెలిపింది.
బ్యాండ్ 7 ఎల్లప్పుడూ ఆన్‌లో ఉండే డిస్‌ప్లేను కలిగి ఉంది.కేవలం 28 గ్రాముల బరువుతో చాలా తేలికగా ఉంటుంది.
అమేజ్ ఫిట్ బ్యాండ్ 7 ఎంచుకోవడానికి 120 స్పోర్ట్స్ మోడ్‌లతో వస్తుంది .
వాకింగ్, జాగింగ్, రోయింగ్ మెషీన్‌లపై పని చేసినప్పుడు ఇది ఎంతగానో ప్రయోజనకరంగా ఉంటుంది.రోజువారీ కార్యకలాపాలను కూడా ఇది ఆటోమేటిక్‌గా గుర్తించగలదు.వాటర్‌ప్రూఫ్‌గా దీనిని రూపొందించారు.
కాబట్టి మీరు ఈత కొట్టేటప్పుడు, స్నానం చేస్తున్నప్పుడు కూడా దీనిని ధరించవచ్చు.ఇది అమేజ్‌ఫిట్ బ్యాండ్‌లో అభివృద్ధి చేసిన మోషన్ రికగ్నిషన్ ExerSenseTM అల్గారిథమ్, PeakBeatsTM ఎక్స్‌ర్‌సైజ్ అల్గారిథమ్‌ను కూడా కలిగి ఉంటుంది.
హెల్త్ ట్రాకింగ్ ఫీచర్ల విషయానికి వస్తే, Amazfit బ్యాండ్ 7 యూజర్ల రక్తం-ఆక్సిజన్ సంతృప్తత, హృదయ స్పందన రేటు, ఒత్తిడి స్థాయిని నిరంతరం ట్రాక్ చేయడానికి ఉపయోగించవచ్చు.బ్యాండ్ కొన్ని ఇబ్బందులను గమనించినప్పుడు రిమైండర్‌లను పంపగలదు.
