అమెరికాలో( America ) ఉంటున్న మన భారతీయుల, ముఖ్యంగా H-1B వీసాపై( H-1B Visa ) ఉన్నవాళ్ల పరిస్థితి అగమ్యగోచరంగా మారింది.వీసా రెన్యూవల్ అవుతుందో లేదో తెలియదు, గ్రీన్ కార్డ్( Green Card ) కోసం ఏళ్ల తరబడి ఎదురుచూపులు, ఎప్పుడు వెనక్కి పంపేస్తారో అనే భయం, ఇలా నిత్యం టెన్షన్ టెన్షన్.
అక్కడ ఇమ్మిగ్రేషన్ రూల్స్ ఎప్పుడు ఎలా మారుతాయో తెలియక, భవిష్యత్తుపై భరోసా లేక బిక్కుబిక్కుమంటూ బతకాల్సిన దుస్థితి నెలకొంది.ఎంతో నైపుణ్యం ఉన్న మనవాళ్లు కూడా తీవ్రమైన మానసిక ఆందోళనతో బతుకీడుస్తున్నారు.
ఈ మధ్య ఓ అమెరికన్ ఉద్యోగి తనతో పనిచేసే ఇండియన్, చైనీస్ వాళ్ల గురించి ఓ మాటన్నారు.“చైనీయులు చాలా రిలాక్స్‌డ్‌గా కనిపిస్తారు, కానీ ఇండియన్స్‌( Indians ) మాత్రం ఇండియాకు తిరిగి వెళ్లడానికి అస్సలు ఇష్టపడట్లేదు” అని ఆయన అన్నారు.దీంతో మనవాళ్లపై రకరకాల పుకార్లు మొదలయ్యాయి.గ్రీన్ కార్డ్ కోసం దొంగ పెళ్లిళ్లు చేసుకుంటున్నారని, అమెరికాలో ఉండిపోవడానికి అడ్డదారులు తొక్కుతున్నారని గుసగుసలు వినిపిస్తున్నాయి.కానీ, ఇది పూర్తిగా నిజం కాదు, మనవాళ్లపై ఇది అన్యాయమైన ముద్ర వేయడమే.ఇలాంటి మాటలు పరిస్థితిని తప్పుగా చూపిస్తున్నాయి.
ఇండియాకు తిరిగి రావాలంటే భారతీయులందరూ భయపడిపోతున్నారని అనుకోవడం పొరపాటు.మన దేశంలో అవినీతి, వివక్ష, సరైన సౌకర్యాలు లేకపోవడం వంటి సమస్యలు ఉన్నమాట వాస్తవమే.కానీ, కేవలం వీటివల్లే ప్రతీ భారతీయుడు అమెరికాలోనే ఉండిపోవాలనుకుంటున్నాడని చెప్పలేం.చాలామంది ప్రొఫెషనల్స్ అక్కడే తమ జీవితాలను నిర్మించుకున్నారు.మంచి ఉద్యోగం, ఇల్లు, కుటుంబం, అన్నీ అక్కడే ఏర్పరుచుకున్నారు.ఇన్నేళ్ల తర్వాత అన్నీ వదిలేసి, లైఫ్‌ను మళ్లీ మొదటి నుంచి మొదలు పెట్టాలంటే ఎంత కష్టం? అందుకే వాళ్లు అక్కడే ఉండటానికి మొగ్గు చూపుతున్నారు, తప్పించుకోవడానికి కాదు.
చట్టాలను గౌరవించే ఇతరులతో పోలిస్తే, భారతీయులు అమెరికా వ్యవస్థను మోసం చేస్తున్నారనే ప్రచారం చాలా తప్పు, ఇది మనోభావాలను దెబ్బతీస్తుంది.ఇది భారతీయ సమాజంపై జాతి వివక్షను పెంచే ప్రమాదం ఉంది.అసలు సమస్య మనవాళ్లలో కాదు, అమెరికా ఇమ్మిగ్రేషన్ వ్యవస్థలోనే ఉంది.ఏళ్లనాటి చట్టాలు, కఠినమైన ఆంక్షల వల్ల, చట్టబద్ధంగా ఉంటున్న వలసదారులు కూడా నలిగిపోతున్నారు, వాళ్ల భవిష్యత్తు అంధకారంలోకి వెళ్ళిపోతోంది.
లీగల్‌గా ఉన్నవాళ్లనే ఈ సిస్టమ్ ముప్పుతిప్పలు పెడుతోంది.
కాబట్టి, ఫలానా దేశం వాళ్లని నిందించడం మానేసి, అసలు సమస్య మూలాలను సరిదిద్దడంపై దృష్టి పెట్టాలి.
అమెరికా ఆర్థిక వ్యవస్థకు ఎంతో మేలు చేస్తున్న అత్యంత నైపుణ్యం కలిగిన ఉద్యోగులు.ఎప్పుడు తమను వెనక్కి పంపేస్తారో అనే భయంతో బతకాల్సిన పరిస్థితి ఎందుకు వచ్చిందో అమెరికా ఆలోచించుకోవాలి.
వ్యవస్థలో మార్పులు తీసుకురావాలి.ఈ టెన్షన్‌కు తెరదించాలి.
