ఐకాన్ స్టార్ అల్లు అర్జున్ ప్రస్తుతం తన దృష్టిని మొత్తం పుష్ప సినిమాపై పెట్టారు.పాన్ ఇండియా స్థాయి తరహాలో తెరకెక్కుతున్న ఈ చిత్రంలో అల్లు అర్జున్ సరసన రష్మిక నటిస్తున్నారు.
ఈ సినిమాలో డీ గ్లామర్ లుక్ లో అల్లు అర్జున్ రష్మిక సందడి చేయనున్నారు.ఇదివరకే అల్లు అర్జున్, సుకుమార్, దేవిశ్రీప్రసాద్ కాంబినేషన్లో వచ్చిన ఆర్య, ఆర్య 2 చిత్రాలు ప్రేక్షకులను విపరీతంగా ఆకట్టుకున్నాయి.
ఈ క్రమంలోనే వీరి కాంబినేషన్ లో వస్తున్న పుష్ప సినిమాపై భారీ అంచనాలు ఏర్పడ్డాయి.
ఇకపోతే ఇప్పటికే ఈ సినిమా నుంచి విడుదలైన పాటలు యూట్యూబ్ లో ట్రెండ్ అవుతూ అత్యధిక వ్యూస్ దక్కించుకొని రికార్డులు సృష్టిస్తున్నాయి.
ఈ క్రమంలోనే ఈ సినిమాపై మరిన్ని అంచనాలు నెలకొన్నాయి.ఇకపోతే రెండు భాగాలుగా ఈ సినిమా ప్రేక్షకుల ముందుకు రానుంది.మొదటి పార్ట్ డిసెంబర్ 17 వ తేదీ విడుదల చేయనున్నట్లు చిత్ర బృందం అధికారకంగా తెలియజేశారు.ఇకపోతే దీపావళి పండుగను పురస్కరించుకొని చిత్రబృందం ఈ సినిమాకు సంబంధించిన ఒక అప్డేట్ విడుదల చేశారు.
తాజాగా ఈ సినిమాలో మరొక పాటను చిత్రీకరించనున్నట్లు చిత్రబృందం ఈ పాటకు సంబంధించిన ఫోటోను విడుదల చేశారు.ఇందులో అల్లు అర్జున్ బుల్లెట్ పై కూర్చుని కనిపిస్తుండడంతో ఈ పాట మాస్ సాంగ్ అయి ఉంటుందని తెలుస్తోంది.ఇక ఈ పాట కోసం సుకుమార్ ఏకంగా 1000 మంది డాన్సర్ లను రంగంలోకి దింపినట్టు తెలుస్తోంది.మొత్తానికి ఈ పాట సినిమాకి ఎంతో హైలెట్ కానుందని ఈ ఫోటో చూస్తేనే అర్థమవుతుంది.
మొత్తానికి దేవి శ్రీ ప్రసాద్ మ్యూజిక్, సుకుమార్ డైరెక్షన్ అల్లు అర్జున్ కు మరొక హ్యాట్రిక్ ఖాయమని నెటిజన్లు కామెంట్లు చేస్తున్నారు.