తమిళంలో నటిగా మంచి గుర్తింపునే సంపాదించుకున్నా తెలుగులో మాత్రం అంజలి ఆశించిన స్థాయిలో సక్సెస్ కాలేకపోయారు.బాలకృష్ణ, వెంకటేష్ లాంటి స్టార్ హీరోలతో కలిసి నటించినా అంజలికి అదృష్టం కలిసిరాలేదు.
ఏప్రిల్ 9వ తేదీన రిలీజ్ కాబోతున్న వకీల్ సాబ్ సినిమాలో అంజలి కీలక పాత్రలో నటించగా ఆ సినిమా రిలీజ్ డేట్ కు సంబంధించిన అధికారిక ప్రకటన వెలువడాల్సి ఉంది.వకీల్ సాబ్ ప్రమోషన్స్ లో భాగంగా ఇంటర్వ్యూలు ఇస్తున్న అంజలి వేర్వేరు విషయాల గురించి స్పందిస్తూ ఆసక్తికర వ్యాఖ్యలు చేశారు.
సాధారణంగా స్టార్ హీరోల సినిమాల్లో హీరోల పాత్రలకు తప్ప మిగిలిన పాత్రలకు పెద్దగా ప్రాధాన్యత ఉండదని కానీ వకీల్ సాబ్ సినిమాలో మాత్రం దర్శకుడు కథ ఎలా చెప్పారో అదే విధంగా తెరకెక్కించారని అంజలి తెలిపారు.వకీల్ సాబ్ మూవీని తాను రెండుసార్లు చూశానని సినిమా స్టోరీలోని ఆత్మ మిస్ కాకుండా తెలుగు నేటివిటీకి తగిన విధంగా కథలో మార్పులు చేశారని అంజలి పేర్కొన్నారు.
రోజూ పేపర్లలో మహిళలపై వేధింపులు, అఘాయిత్యాలకు సంబంధించిన వార్తలను మనం చూస్తుంటామని చాలా సందర్భాల్లో ఈ వార్తలను పెద్దగా పట్టించుకోమని అంజలి అన్నారు.కానీ ఇలాంటి ఘటనల వల్ల జీవితాలే మారిపోతాయని అంజలి పేర్కొన్నారు.పెళ్లికి ముందే శృంగారం గురించి అంజలి మాట్లాడుతూ అది వ్యక్తిగతం అని అన్నారు.ఆ విషయంలో ఇతరులు ఆలోచించే విధానాననికి తను ఆలోచించే విధానానికి తేడా ఉంటుందని అంజలి తెలిపారు.
సమాజంలో ఆడపిల్లల అభిప్రాయాలకు, నిర్ణయాలకు గౌరవం ఇవ్వాలని.ఆడపిల్లలకు ఉండే హక్కులను కాలరాయకూడదని ఆమె పేర్కొన్నారు.
వకీల్ సాబ్ సినిమాతో అంజలి సక్సెస్ ట్రాక్ లోకి వస్తారేమో చూడాల్సి ఉంది.తెలుగు రాష్ట్రాలతో పాటు ఓవర్సీస్ లో కూడా ఈ సినిమా రికార్డు స్థాయి థియేటర్లలో విడుదల కానుందని సమాచారం.