అంతమాట అన్నావేంటి సామీ? వైసిపి గెలుపై పికే జోస్యం

అటు వైసీపీ, ఇటు కూటమి పార్టీలైన బిజెపి, టిడిపి, జనసేన లు( BJP TDP Janasena ) విజయోత్సవ సభలు, ప్రభుత్వ ఏర్పాటుకు ముహూర్తాలు నిర్ణయించేసుకుంటున్నాయి.తాజాగా ప్రముఖ రాజకీయ వ్యూహకర్త ప్రశాంత్ కిషోర్( Prashant Kishor ) ఏపీ రాజకీయ వ్యవహారాలపై స్పందించారు.ప్రముఖ జర్నలిస్టు బర్కాదత్ కు ఢిల్లీలో ఇంటర్వూ ఇచ్చారు.

ఈ సందర్భంగా దేశ రాజకీయాలతో పాటు, ఏపీ రాజకీయ వ్యవహారాలపైనా ఆయన స్పందించారు.ఏపీలో అధికార పార్టీ వైసీపీకి ఘోర పరాజయం ఎదురవుతుందని ప్రశాంత్ కిషోర్ తేల్చి చెప్పారు.

తాము కచ్చితంగా గెలిచి అధికారాన్ని చేపడతామని సీఎం జగన్( CM Jagan ) చెప్పినా ఫలితం ఉండదు అని ప్రశాంత్ కిషోర్ తేల్చి చెప్పారు.

జగన్ తన అభిప్రాయాన్ని వ్యక్తం చేసినట్లుగానే రాహుల్ గాంధీ, తేజస్వి యాదవ్ లాంటి వారు చెబుతున్నారని , వారి పార్టీలు ఎన్నికల్లో గెలవబోవని ప్రశాంత్ కిషోర్ సంచలన వ్యాఖ్యలు చేశారు.జగన్ గతం కంటే ఎక్కువ స్థానాలను గెలుచుకుంటామని చెబుతున్నారని, అది సాధ్యమయ్యే పని కాదని ప్రశాంత్ కిషోర్ అన్నారు.దేశంలో బిజెపి ( BJP ) మరోసారి అధికారంలో రాబోతోంది అని అన్నారు.

దేశంలో మోదీ, బిజెపిపై ప్రజల్లో అసంతృప్తి ఉందని, అయితే ఆగ్రహం మాత్రం కనిపించడం లేదని, గతం కంటే ఎక్కువ స్థానాలను బిజెపి గెలుచుకునే అవకాశం ఉందని ప్రశాంత్ కిషోర్ జోస్యం చెప్పారు.