సోషల్ మీడియాలో ఎన్నో వీడియోలు వైరల్ అవుతుంటాయి.ముఖ్యంగా జంతువులకు సంబంధించిన వీడియోలకు నెటిజన్లు ఫిదా అయిపోతుంటారు.
తాజాగా, ఓ జర్మన్ షెపర్డ్ కుక్క హనుమాన్ చాలీసాకు (German Shepherd dog Hanuman Chalisa)స్పందించిన తీరు అందర్నీ ఆశ్చర్యపరుస్తోంది.ఈ వీడియో ఇప్పుడు ఇంటర్నెట్ ను షేక్ చేస్తోంది.
శివ శంకర్ అనే వ్యక్తి తన ఇన్‌స్టా ఖాతాలో ఈ వీడియోను షేర్ చేయగా, అది క్షణాల్లో వైరల్ అయింది.ఆ భక్తి గీతానికి ఆ కుక్క ఇచ్చిన రియాక్షన్ చూసి జనం నోరెళ్లబెడుతున్నారు.
వీడియో మొదలవ్వగానే, రాగ్నర్ (Ragnar) అనే ఈ జర్మన్ షెపర్డ్ కుక్క టీవీ కింద నేల మీద హాయిగా పడుకొని కనిపిస్తుంది.దాని యజమాని శివ శంకర్ షారుఖ్ ఖాన్(Shiv Shankar Shah Rukh Khan) నటించిన ‘డంకీ’ సినిమాలోని ‘లుట్ పుట్ గయా’ పాట, ‘షోర్ ఇన్ ది సిటీ’ సినిమాలోని కైలాష్ ఖేర్ పాడిన ‘బమ్ లెహరి’ లాంటి రకరకాల పాటలను ప్లే చేస్తాడు.
కానీ రాగ్నర్ మాత్రం అస్సలు పట్టించుకోదు, కదలకుండా మెదలకుండా అలాగే పడుకొని ఉంటుంది.
అయితే, ఎప్పుడైతే హనుమాన్ చాలీసా(Hanuman Chalisa) ప్లే అయ్యిందో, సీన్ మొత్తం మారిపోయింది.రాగ్నర్ కుక్క ఒక్కసారిగా తల పైకెత్తి, ఎవరో పిలిచినట్టు అప్రమత్తంగా చూస్తుంది.ఆ తర్వాత క్షణాల్లోనే లేచి కూర్చుని, తలను పక్కకు వంచి, ఆ చాలీసాతో పాటు గొంతు కలుపుతూ అరవడం (ఊళ వేయడం) మొదలుపెడుతుంది.
దాని రియాక్షన్ చూసిన వాళ్లంతా అవాక్కయ్యారు.అదేదో తనదైన శైలిలో పాడుతున్నట్లు, లేదా ప్రార్థన చేస్తున్నట్లు అనిపిస్తుంది ఆ దృశ్యం.
ఈ వీడియో చూసిన నెటిజన్లు కామెంట్ల వర్షం కురిపిస్తున్నారు.కొందరైతే రాగ్నర్‌ను “నిజమైన భక్తుడు” అని పిలుస్తుంటే, మరికొందరు దాని ఆధ్యాత్మిక బంధం గురించి సరదాగా జోకులు వేస్తున్నారు.మిగతా పాటలను అస్సలు పట్టించుకోకుండా, కేవలం హనుమాన్ చాలీసాకు మాత్రమే అంత బలంగా స్పందించడం చాలామందిని ఆశ్చర్యపరిచింది, నవ్వించింది.మనసును హత్తుకునే ఈ వీడియో క్లిప్ ఎంతోమందిని ఆకట్టుకుంది.
సాధారణంగా కుక్కలు శబ్దాలకు ప్రతిస్పందిస్తాయి, కానీ రాగ్నర్ లాంటి పెంపుడు జంతువు ఒక భక్తి గీతానికి ఇలా స్పందించడం మాత్రం అందరినీ విస్మయానికి గురి చేసింది.
