మాస్ రాజా రవితేజ నటించిన లేటెస్ట్ మూవీ ‘క్రాక్’ వేసవి కానుకగా రిలీజ్ కావాల్సి ఉంది.కానీ కరోనా ప్రభావంతో ఈ సినిమా రిలీజ్ వాయిదా పడింది.
ఇక ఈ సినిమాను నేరుగా ఓటీటీలో రిలీజ్ చేస్తారనే వార్తలు వచ్చినా, చిత్ర యూనిట్ మాత్రం ఈ సినిమాను థియేటర్లలోనే రిలీజ్ చేస్తామని తేల్చేశారు.దీంతో ఈ సినిమా ఎప్పుడు రిలీజ్ అవుతుందా అని అందరూ ఆసక్తిగా ఎదురుచూస్తున్నారు.
ఇక ఈ సినిమా రిలీజ్ కాకముందే, రవితేజ తన నెక్ట్స్ చిత్రాలను లైన్‌లో పెట్టే పనిలో పడ్డాడు.
ఇప్పటికే నక్కిన త్రినాథరావు డైరెక్షన్‌లో ఓ సినిమా చేసేందుకు రవితేజ రెడీ అయ్యాడు.
ఈ సినిమాతో పాటు మరో డైరెక్టర్ రమేష్ వర్మ డైరెక్షన్‌లో కూడా ఓ సినిమా చేసేందుకు రవితేజ గ్రీన్ సిగ్నల్ ఇచ్చేశాడు.పూర్తి యాక్షన్ ఎంటర్‌టైనర్‌గా తెరకెక్కనున్న ఈ సినిమాలో రవితేజ డ్యుయెల్ రోల్ చేయబోతున్నాడని తెలుస్తోంది.
ఇక ఈ సినిమాలో హీరోయిన్లుగా నిధి అగర్వాల్, నభా నటేష్‌లు నటిస్తారని చిత్ర యూనిట్ తెలిపింది.కాగా ఈ సినిమాలో ఓ హాట్ ఐటెం సాంగ్ ఉండబోతుందని, అందులో రవితేజతో చిందులేసేందుకు ఓ బ్యూటీని ఇప్పటికే ఓకే చేసినట్లు ఇండస్ట్రీ వర్గాల్లో వార్తలు వినిపిస్తున్నాయి.
‘ఇద్దరమ్మాయిలతో’ చిత్రంతో టాలీవుడ్‌లో తనకంటూ ప్రత్యేక గుర్తింపును తెచ్చుకున్న బ్యూటీ కేథరిన్ త్రేసా, ఆ తరువాత వరసగా సినిమాలు చేస్తూ వస్తోంది.సరైనోడు చిత్రంలో ఎమ్మెల్యే పాత్ర ఆమెకు మంచి పేరును తీసుకొచ్చింది.
ఇక ఈ బ్యూటీ, ప్రస్తుతం బోల్డ్ పాత్రలతో పాటు స్పెషల్ సాంగ్స్‌కు కేరాఫ్‌గా మారడంతో, ఆమెను ఈ సినిమాలోని ఐటెం సాంగ్‌లో తీసుకునేందుకు చిత్ర యూనిట్ ప్లాన్ చేస్తుందని తెలుస్తోంది.ఇక ఈ పాటలో రవితేజతో అమ్మడు వేసే చిందులు మాస్ ప్రేక్షకులకు ఫుల్ ట్రీట్ ఇవ్వడం ఖాయమని చిత్ర యూనిట్ ధీమా వ్యక్తం చేస్తోంది.
మొత్తానికి ఈ ఐటెం సాంగ్ కేథరిన్ త్రేసాకు మంచి బ్రేక్ ఇవ్వనుందనే వార్త ప్రస్తుతం ఆమె ఫ్యాన్స్‌కు సంతోషాన్ని కలిగిస్తుంది.మరి ఈ వార్తలో ఎంతవరకు నిజం ఉందో తెలియాలంటే మాత్రం అఫీషియల్ అనౌన్స్‌మెంట్ వచ్చే వరకు ఆగాల్సిందే.
