కన్నతండ్రి శవం పక్కనే.. ప్రియురాలి మెడలో తాళి కట్టిన కొడుకు.. వీడియో చూస్తే షాక్!

తమిళనాడులోని( Tamil Nadu ) కడలూరు జిల్లాలో గుండెను పిండేసే, వింతైన సంఘటన చోటు చేసుకుంది.విరుదాచలం దగ్గర కవనై గ్రామంలో జరిగిందీ షాకింగ్ ఇన్సిడెంట్.

కళ్లెదుటే తండ్రి శవం( Father Corpse ) ఉండగానే ఓ యువకుడు పెళ్లి చేసుకోవాలని నిర్ణయించుకోవడం అందరినీ దిగ్భ్రాంతికి గురి చేసింది.

అప్పు( Appu ) అనే యువకుడు లా స్టూడెంట్.

రిటైర్డ్ రైల్వే ఉద్యోగి సెల్వరాజ్( Selvaraj ) కొడుకు.వాళ్లది అదే గ్రామం.

అప్పు, విజయశాంతి( Vijayashanti ) అనే డిగ్రీ చదువుతున్న అమ్మాయిని ప్రేమించాడు.పెద్దల అంగీకారంతో పెళ్లి చేసుకోవాలని అనుకున్నారు.

అంతా సవ్యంగా జరుగుతోంది అనుకుంటున్న టైంలో విధి వక్రీకరించింది.

బుధవారం రాత్రి అప్పు వాళ్ల నాన్న సెల్వరాజ్ అనారోగ్యంతో చనిపోయారు.ఆ దెబ్బతో ఆ కుటుంబం శోకసంద్రంలో మునిగిపోయింది.ఊహించని విషాదం అది.కానీ, ఆ బాధలో కూడా అప్పు ఒక సంచలన నిర్ణయం తీసుకున్నాడు.అది అందరినీ ఆశ్చర్యానికి గురి చేసింది.

చనిపోయిన తండ్రి ముందే, వెంటనే విజయశాంతిని పెళ్లి చేసుకోవాలని అనుకున్నాడు అప్పు.నాన్న కోరిక నెరవేర్చినట్టు ఉంటుందని అతను అలా ఫీలయ్యాడు.తన ఆలోచనను ఇంట్లో వాళ్లతో, ప్రియురాలు విజయశాంతితో చెప్పాడు.విజయశాంతి కూడా సరేనంది.

గురువారం, సెల్వరాజ్ శవం పక్కనే పెళ్లి జరిపించారు.అప్పు కన్నీళ్లు పెట్టుకుంటూ విజయశాంతి మెడలో తాళి కట్టాడు.ఆ సీన్ చూస్తుంటే గుండె తరుక్కుపోయింది.అప్పు వాళ్ళ అమ్మ, దగ్గరి బంధువులు, ఊర్లో వాళ్ళు కూడా అక్కడే ఉన్నారు.గుండెలు బరువెక్కుతున్నా వాళ్ళు కొత్త జంటను మనస్ఫూర్తిగా దీవించారు.

అయితే విజయశాంతి వాళ్ల ఫ్యామిలీ మెంబర్స్ మాత్రం పెళ్లికి రాలేదు.

అయినా కానీ అనుకున్న ముహూర్తానికి పెళ్లి తంతు పూర్తయింది.ఇంట్లో చావు జరుగుతుండగానే పెళ్లి చేసుకోవడం ఇప్పుడు హాట్ టాపిక్ గా మారింది.

ప్రేమ, విషాదం, సంప్రదాయం అన్నీ ఒకేసారి కలగలిసిన ఈ ఘటన నిజంగా చాలా అరుదైనది, కదిలించేది కూడా.