వైసీపీ లో చేరిపోయిన 'జనసేన ' పోతిన మహేష్ 

అంతేకాకుండా అధినేత పవన్ కళ్యాణ్( Pawan Kalyan ) వైఖరిని తప్పుపడుతూ ఆయనకు సవాల్ విసిరారు.త్వరలోనే జనసేన ను టిడిపిలో విలీనం చేయబోతున్నారని సంచలన వ్యాఖ్యలు చేశారు.అంతేకాకుండా పిఠాపురంలో పవన్ కళ్యాణ్ ఉగాది రోజున అన్నా లెజినోవా తో కలిసి గృహప్రవేశం చేయాలంటూ సవాల్ విసిరి మరింత సంచలనం రేపారు.అయితే వైసీపీలో చేరేందుకే మహేష్ జనసేన పై విమర్శలు చేస్తున్నారని, పవన్ ఆయనకు ఎంతో ప్రాధాన్యం ఇచ్చారని, ఆయనకు టికెట్ దక్కకపోవడం, వైసీపీ నుంచి ఆఫర్ రావడంతోనే పవన్ పైన జనసేన పైన ఆయన విమర్శలు చేస్తున్నారని జనసేన నేతలు కౌంటర్ ఇచ్చారు.

తాజాగా ఈరోజు వైసీపీ అధినేత ఏపీ సీఎం జగన్( AP CM Jagan ) సమక్షంలో మహేష్ వైసీపీ కండువా కప్పుకున్నారు.

ఈ రోజు పోతిన మహేష్ పెద్ద ఎత్తున తన అనుచరులతో కలిసి జగన్ బసచేసిన గంటా వారిపాలెం వద్దకు వెళ్లి జగన్ తో భేటీ అయ్యారు.ఈ సందర్భంగా జగన్ ఆయనకు పార్టీ కండువా కప్పారు.విజయవాడ పశ్చిమ నియోజకవర్గంలో వైసిపి గెలుపు కోసం తాను కృషి చేస్తానని ఈ సందర్భంగా మహేష్ జగన్ సమక్షంలోనే ప్రకటించారు.

ఇకపోతే మహేష్ తో పాటు మాజీ ఎమ్మెల్యే పాముల రాజేశ్వరి సైతం ఈరోజు జగన్ సమక్షంలో వైసీపీలో చేరారు.