నల్లగొండ జిల్లా:నిడమనూరు మండలం బొక్కమంతులపహడ్ గ్రామ శివారులో మంగళవారం ఉదయం జరిగిన రోడ్డు ప్రమాదంలో 8 మందికి గాయాలు కాగా అందులో ఒకరి పరిస్థితి విషమంగా ఉన్నట్లు సమాచారం.స్థానికులు తెలిపిన కథనం ప్రకారం హాలియా మండలం రంగుండ్ల గ్రామానికి చెందిన ఒకే కుటుంబ సభ్యులు బంధువుల ఇంట్లో జరిగే వివాహానికి దామరచర్ల మండలం కొండ్రపోలు గ్రామం వెళ్లి తిరిగి రంగుండ్ల గ్రామానికి వస్తుండగా నిడమనూరు మండలం బొక్కమంతులపహడ్ గ్రామ శివారులో ఎదురుగా వస్తున్న గేదెలను తప్పించబోయి ప్యాసింజర్ ఆటో అదుపుతప్పి బోల్తా పడడంతో ప్రమాదం జరిగింది.
ఈ ప్రమాదంలో ఎనిమిది మందికి తీవ్ర గాయాలు కాగా,ఒకరి పరిస్థితి విషమంగా ఉన్నట్లు తెలుస్తోంది.సమాచారం అందిన వెంటనే పోలీసులు ఘటనా స్థలానికి చేరుకుని క్షతగాత్రులను చికిత్స నిమిత్తం మిర్యాలగూడ ఏరియా ఆసుపత్రికి తరలించారు.
నిడమనూరు ఎస్ఐ శోభన్ బాబు కేసు ప నమోదు చేసి దర్యాప్తు చేపట్టినట్లు తెలిపారు.