నల్లగొండ జిల్లా:నల్లగొండ రూరల్ మండలం (Nalgonda )పరిధిలోని గొల్లగూడ, పానగల్ ప్రాంతాల్లో 370, 371,148,149 సర్వే నెంబర్లలో 59 జీవోను అడ్డం పెట్టుకుని కొందరు జర్నలిస్టులు( Journalists ) సుమారు రూ.10 కోట్ల విలువ చేసే ప్రభుత్వ భూమిని కాజేసినట్లు అన్యాయానికి గురైన జర్నలిస్టులు కలెక్టర్ కి ఫిర్యాదు చేయడంతో ఈ వ్యవహారం వెలుగులోకి వచ్చింది.అయినా గతంలో అధికారంలో ఉన్న బీఆర్ఎస్ పార్టీకి చెందిన ప్రజా ప్రతినిధులతో పాటు, కొందరు అధికారుల అండ కూడా ఉండడంతో ఎలాంటి చర్యలు తీసుకోలేదు.
ప్రస్తుతం కాంగ్రెస్ పార్టీ ( Congress party )అధికారంలోకి రాగానే అన్యాయానికి గురైన జర్నలిస్టులు మళ్ళీ ఈ భూ అక్రమాల బాగోతం తెరపైకి తెచ్చారు.దీనితో అధికార యంత్రాంగంలో చలనం వచ్చింది.59 జీవో అక్రమాలపై ఆరోపణలు ఎదుర్కొంటున్న జర్నలిస్టులు నారబోయిన క్రాంతి,ముప్పా రేవంత్ రెడ్డి,మారబోయిన మధుసూదన్,బోయినపల్లి రమేష్,పసుపులేటి కిరణ్ కుమార్,మామిళ్ళ రామానుజన్ రెడ్డి,బూర రాములు సరైన పత్రాలు తీసుకొని తేదీ:16/12/ 2023 ఉదయం 10:30 నిమిషాలకు విచారణకు హాజరు కావలసిందిగా నోటీసులు జారీ చేశారు.అలాగే వీరితో పాటు ఆర్డీవో నల్గొండ,మున్సిపల్ కమిషనర్ నల్గొండ, తహసిల్దార్ నల్గొండ, నల్గొండ మున్సిపాలిటీ, ఇతర సిబ్బంది కూడా హాజరు కావాలని నోటీసులో పేర్కొన్నారు.
