రష్యా తరుపున ఉక్రెయిన్ తో యుద్ధం చేసేందుకు క్రిమినల్స్ రంగంలోకి?

రష్యా-ఉక్రెయిన్( Russia ) యుద్ధం మొదలై ఏడాదిన్నర కావస్తోంది.ఈ క్రమంలో అమెరికా ఆంక్షలకు భయపడకుండా పుతిన్ యుద్ధాన్ని సమర్ధవంతంగానే కొనసాగిస్తున్నాడు.

మరోవైపు పాశ్చాత్య దేశాలను నమ్ముకున్న ఉక్రెయిన్ కూడా అంతే ధీటుగా రష్యాకి సమాధానం చెబుతోంది.ఐతే పెద్ద దేశమైన రష్యా కేవలం కొన్ని వారాల్లోనే ఈ యుద్ధాన్ని ముగుస్తుంది అనుకుంటే ఇన్నాళ్లపాటు ఇంకా కొనసాగిస్తూ ఉండడం ఒకింత ఆశ్చర్యకరమే.

అదేవిధంగా రష్యాకు ఉక్రెయిన్( Ukraine ) తొందరగానే లొంగిపోతుందని అనుకున్నప్పటికీ.అమెరికా, బ్రిటన్, జర్మనీ, కెనడా తదితర దేశాలు ఇచ్చే సాయంతో ఏడాదిన్నగా ఉక్రెయిన్ పోరు సాగించడం విశేషమే.

ఇకపోతే ఈ యుద్ధం విషయమై రష్యా ఓ కీలక నిర్ణయం తీసుకోబోతున్నట్టు గుసగుసలు వినబడుతున్నాయి.అవును, ఈ యుద్ధంలో రష్యా తరుపున పోరాడేందుకు అనుమానిత దోషులు, నేరస్థులతో ఒప్పందం చేసుకునేందుకు రక్షణ మంత్రిత్వశాఖను అనుమతించే చట్టాన్ని, రష్యా దిగువసభలో బుధవారం ప్రవేశపెట్టనున్నారని తెలుస్తోంది.ఇక రష్యా పార్లమెంట్ కూడా దాదాపుగా ఈ చట్టానికి అనుమతి ఇవ్వనుంది.రెండో ప్రపంచ యుద్ధం తరువాత యూరప్ లో పెద్ద సంఖ్యలో సైనికులను మోహరించడానికి రష్యా అడుగులు వేస్తోన్నట్టు కనబడుతోంది.<div class="mid
dlecontentimg”>

ఇకపోతే, దేశద్రోహం, లైంగిక నేరాలు, రాజ్యద్రోహం, టెర్రరిజం కేసుల్లో నిందితులుగా ఉన్నవారు మాత్రం ఈ కాంట్రాక్ట్ కిందికి రారని తేల్చి చెబుతోంది రష్యా.ఉక్రెయిన్ లో పోరాడేందుకు జైళ్లలో నుంచి ఖైదీలను రిక్రూట్ చేసుకోవడానికి రష్యా కిరాయి ఆర్మీ వాగ్నెర్ టీంకు గతంలో అనుమతి ఉన్నప్పటికీ ఫిబ్రవరిలో ఇది ఆగిపోయింది.ఐతే రక్షణ మంత్రిత్వ శాఖ మరోసారి ఈ ప్రక్రియను చేపట్టిందని అక్కడి జైలు హక్కుల కార్యకర్తల మాట.ఇక త్వరలోనే వారిని బరిలో దించే అవకాశాలు ఉన్నాయని నిఘా వర్గాలు చెబుతున్నాయి.మరోవైపు ఈ అంశంపై నాటో దేశాలు తీవ్రంగా వ్యతిరేకిస్తున్న పరిస్థితి వుంది.