యూట్యూబ్‌లో సంపాదన.. ఏకంగా రాల్స్ రాయ్స్ కారు కొనేసిన వైనం!

ప్రస్తుత జనరేషన్‌లో యూత్ తమకు ఏది నచ్చితే అందులో తమ కెరీర్‌ను సెట్ చేసుకుని తమ సత్తా చాటేందుకు ఉవ్విళ్లూరుతున్నారు.

ఇక సోషల్ మీడియా పుణ్యమా అని వారి అభిరుచులకు తగ్గట్టుగా తమకు నచ్చిన రంగాన్ని ఎంచుకోవడమే కాకుండా అందరినీ అవాక్కయ్యేలా చేస్తూ ఊహించని సంపాదనతో దూసుకుపోతున్నారు.

ఇటీవల కాలంలో యూట్యూబ్ ద్వారా అధిక సంపాదనతో రచ్చ చేస్తున్న వారి సంఖ్య రోజురోజుకూ పెరుగుతూ వస్తోంది.కాగా కేవలం యూట్యూబ్ ఛానల్ ద్వారా తన కెరీర్‌‌ను సెట్ చేసుకోవడమే కాకుండా భారీ సంపాదనతో దూసుకుపోతున్న ఓ యూబ్యూబర్, ఏకంగా రాల్స్ రాయ్స్ కారు కొనేంత లెవెల్‌కు ఎదిగిపోయాడు.

భారత్‌కు చెందిన గౌరవ్ చౌదరి అనే యూట్యూబర్, టెక్నాలజీకి సంబంధించిన రివ్యూలు ఇస్తూ తన యూట్యూబ్ ఛానల్‌లో వీడియోలు చేస్తుంటాడు.మొబైల్ ఫోన్లపై రివ్యూలు ఇస్తుండటంతో ఆయన యూట్యూబ్‌ను ఎక్కువ మంది వీక్షిస్తుంటారు.ఈ క్రమంలోనే ఆయన ఛానల్‌కు ఏకంగా 3.5 మిలియన్ మంది సబ్‌స్క్రైబర్లు ఉన్నారు.దీంతో ఆయన తన యూట్యూబ్ చానల్ ద్వారా వచ్చిన మొత్తానితో ఓ లగ్జరీ రాల్స్ రాయ్స్ కారును కొనుగోలు చేశాడు.

ఇప్పుడు ఈ వార్తతో ఆయన మరోసారి సోషల్ మీడియాలో వైరల్‌గా మారాడు.నెలకు దాదాపు రూ.20 లక్షలకు పైగా కేవలం యూట్యూబ్ వీడియోల నుండే సంపాదిస్తున్నాడంటే, ఆయన వీడియోలకు ఎంతటి క్రేజ్ ఉందో అర్ధం చేసుకోవచ్చు.మరి మీరు కూడా ఇలా వీడియోలను యూట్యూబ్‌లో పెట్టి డబ్బులు సంపాదించే ప్రయత్నం చేయండి.