నటసింహం నందమూరి బాలకృష్ణ ప్రస్తుతం యాక్షన్ డైరెక్టర్ బోయపాటి శ్రీను దర్శకత్వంలో నటిస్తున్న సినిమా ‘అఖండ‘.ఈ సినిమా ఇప్పటికే షూటింగ్ ముగించేసుకుంది.
ఈ సినిమా నుండి ఇప్పటికే విడుదల అయినా పోస్టర్స్, టీజర్, పాటలు అన్ని కూడా ఈ సినిమాపై మంచి అంచనాలను పెంచేసాయి.కరోనా వల్ల ఆలస్యం లేకపోతే ఈ సినిమా ఎప్పుడో ప్రేక్షకుల ముందుకు వచ్చేది.
ఇక ప్రెసెంట్ పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమా నుండి తాజాగా టైటిల్ సాంగ్ విడుదల చేసింది చిత్ర యూనిట్.ఈ సాంగ్ లో బాలయ్య అఘోర పాత్రలో కనిపించాడు.
భం అఖండ భం భం అఖండఅంటూ సాగుతూన్న ఈ లిరికల్ సాంగ్ బాలయ్య గర్జనతో గూస్ బంప్స్ వస్తున్నాయి.ఈ రోజు కార్తీక మాసం తోలి సోమవారం సందర్భంగా శివుడికి సంబంధించిన ఈ పాటను విడుదల చేసింది చిత్ర యూనిట్.
ప్రెసెంట్ ఈ సాంగ్ సోషల్ మీడియాలో వైరల్ అవుతుంది.అనంత శ్రీరామ్ రాసిన ఈ పాటను తన కుమారులు సిద్ధార్థ్, శివమ్ తో కలిసి శంకర్ మహదేవన్ పాడారు.ఇక ఈ పాటకు టాలీవుడ్ టాప్ మ్యూజిక్ డైరెక్టర్ థమన్ సంగీతం అందించాడు.ఇక ఈ లిరికల్ వీడియోలో మేకింగ్ చూస్తుంటేనే అర్ధం అవుతుంది ఈ సాంగ్ చిత్రీకరణ ఏ తరహాలో సాగిందో అని.
ఇక ఈ సినిమాలో బాలయ్యకు జోడీగా ప్రగ్య జైశ్వాల్ నటిస్తుండగా.ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ సినిమాను నిర్మిస్తున్నారు.సింహ, లెజెండ్ తర్వాత బాలయ్య బోయపాటి కాంబోలో వస్తున్న ఈ సినిమాపై అందరు భారీ అంచనాలు పెట్టుకున్నారు.చూడాలి మరి వీరి కాంబోలో వస్తున్న హ్యాట్రిక్ సినిమా కూడా అంచనాలను అందుకుంటుందో లేదో.
