రతన్ టాటా పేరు చెబితే చాలు.వ్యాపార ప్రపంచం అతనికి సెల్యూట్ చేస్తుంది.
రతన్ టాటా నిత్యం హెడ్లైన్స్లో ఉంటారు.కొన్నిసార్లు అతని సోషల్ మీడియాలో పోస్టుల కారణంగా, మరికొన్నిసార్లు స్వచ్ఛంద సేవలను ప్రశంసల కారణంగా వార్తల్లో నిలుస్తుంటారు.
ఈసారి రతన్ టాటా 78 ఏళ్ల కిందటి ఫోటోను షేర్ చేశారు.ఈ చిత్రంలో రతన్ టాటా తన తమ్ముడు జిమ్మీ నావల్ టాటాతో కలిసి కనిపిస్తున్నారు.
ఈ చిత్రం 1945 సంవత్సరంలో ఇద్దరూ మైనర్లుగా ఉన్నప్పుడు తీసినది.ఈ ఫోటో సోషల్ మీడియాలో చర్చనీయాంశమైంది.
రతన్ టాటా తమ్ముడు… జిమ్మీ నావల్ టాటా ఎవరు అనే ప్రశ్న అందరి మదిలో మెదులుతోంది.ఆయన ఏమి చేస్తుంటారు? ఎక్కడ నివసిస్తున్నారు? అనే ప్రశ్నలు అందరిమదిలో మెదిలాయి.వాటికి సమాధానం ఇప్పుడు తెలుసుకుందాం.
జిమ్మీ నావల్ టాటా ఎవరు?
రతన్ టాటా ఆస్తులు రూ.3500 కోట్లు.అతను దేశంలోని అత్యంత ధనవంతులలో ఒకరిగా గుర్తింపు పొందారు.
అయితే రతన్ టాటా తమ్ముడు జిమ్మీ నావల్ టాటా అజ్ఞాత జీవితాన్ని గడుపుతున్నారు.జిమ్మీ నావల్ రతన్ టాటా కంటే 2 సంవత్సరాలు చిన్నవాడు.
అతని వయస్సు 82 సంవత్సరాలు. నిజానికి జిమ్మీ టాటా ట్రస్ట్కు ట్రస్టీ గా ఉన్నారు.
నావల్ టాటా తన వీలునామాలో జిమ్మీకి ఈ పదవిని ఇచ్చారు.అయితే, నావల్ టాటా నిజానికి టాటా కుటుంబంలో సభ్యుడు కాదని తెలిస్తే ఎవరైనా ఆశ్చర్యపోతారు.
అతన్ని జమ్షెట్జీ టాటా దత్తత తీసుకున్నారు.
జిమ్మీ ఒక చిన్న ఇంట్లో నివాసం
ముంబైలోని కొలాబాలోని హాంప్టన్ కోర్ట్ ఆరవ అంతస్తులో రెండు పడక గదుల ఇల్లు ఉంది.జిమ్మీ నావల్ టాటా ఈ చిన్న ఇంట్లో నివసిస్తున్నారు.జిమ్మీ ఇంట్లో టీవీ గానీ, మొబైల్ ఫోన్ గానీ లేవు.
జిమ్మీ నావల్ తన తండ్రి నావల్ టాటా ఆధ్వర్యంలో వస్త్ర వ్యాపారంలో తన వృత్తిని ప్రారంభించాడు.జిమ్మీ టాటా అనేక టాటా కంపెనీలలో కూడా పనిచేశారు.జిమ్మీ 90వ దశకంలో పదవీ విరమణ చేశారు.అప్పటి నుంచి జిమ్మీ ఒక చిన్న ఫ్లాట్లో సామాన్యుడిలా జీవిస్తున్నాడు.
జిమ్మీ నావల్ టాటా కూడా బ్రహ్మచారి
జిమ్మీ నావల్ టాటా కూడా రతన్ టాటా మాదిరిగానే అవివాహితుడు.అతనికి కూడా పెళ్లి కాలేదు.జిమ్మీ అత్యుత్తమ స్క్వాష్ ఆటగాడు.జిమ్మీకి ఏకాంతం అంటే ఎంత ఇష్టమో, అతను తన దగ్గర మొబైల్ కూడా ఉంచుకోడని దీనిని చూస్తే అర్థం చేసుకోవచ్చు.