కశ్మీర్‌లోని( Kashmir ) ప్రముఖ పర్యాటక ప్రాంతాలైన గుల్మర్గ్, సోనమర్గ్, పహల్గాం వంటి చోట్ల పర్యాటకులు మంచులో ఎంజాయ్ చేస్తున్న వీడియోలు సోషల్ మీడియాలో తెగ వైరల్( Viral Video ) అవుతున్నాయి.అయితే, ఈ నేపథ్యంలో ఒక వీడియో ప్రమాదకరమైన క్షణాన్ని చూపిస్తూ అందరి దృష్టిని ఆకర్షిస్తోంది.
గుల్మర్గ్( Gulmarg ) దగ్గర మంచుతో నిండిపోయిన రోడ్డుపై ఒక కారు జారిపోతున్న దృశ్యం ఈ వీడియోలో కనిపించింది.వీడియో మొదట్లో, మంచు కారణంగా ప్రజలు నడవడానికి చాలా కష్టపడినట్లు కనిపించింది.
వారు జారిపోతూ కింద పడుతూ ఉన్నారు.
అంతలోనే, ఒక కారు( Car ) అదుపు తప్పి వేగంగా గింగిరాలు తిరుగుతూ కనిపిస్తుంది.
వీడియో రికార్డ్ చేస్తున్న వ్యక్తి కారు రోడ్డు పక్కన ఉన్న స్తంభానికి ఢీకొన్నప్పుడు భయంతో ప్రార్థన చేస్తున్న శబ్దం వినిపిస్తుంది.అయితే అదృష్టవశాత్తు, పెద్ద ప్రమాదం తప్పింది.
ఇన్‌స్టాగ్రామ్ యూజర్ @kashmir_with_adil ఈ వీడియోను “ఈసారి నన్ను కాపాడు” అనే క్యాప్షన్‌తో పోస్ట్ చేశారు.ఈ వీడియో ఇప్పటికే 4 కోట్లకు పైగా వ్యూస్‌ను సంపాదించింది.
వీడియో చూసిన చాలా మంది నెటిజన్లు తమ అభిప్రాయాలను తెలియజేశారు.కొందరు డిసెంబర్ నుంచి మార్చి వరకు మంచు కాలంలో( Snowfall ) ప్రయాణించకుండా ఉండాలని సలహా ఇచ్చారు.మరికొందరు “ఇలాంటి వాతావరణంలో ఎందుకు ఇంటి నుంచి బయటకు వెళ్లారు? ఏమి ఆశించారు?” అని ప్రశ్నించారు.మరికొందరు “ఇది కెనడా అనుకున్నాను!” అని వ్యాఖ్యానించారు.
శ్రీనగర్ వాతావరణ కేంద్రం ప్రకారం, గుల్మర్గ్‌లో ఉష్ణోగ్రత -9 డిగ్రీల సెల్సియస్‌కు చేరుకుంది, ఇది సాధారణం కంటే 5.4 డిగ్రీల సెల్సియస్ తక్కువ.ఈ ఏడాది కశ్మీర్‌లో ఇదే అతి తక్కువ ఉష్ణోగ్రత.కశ్మీర్‌లోని గుల్మర్గ్, కుప్వారా, పీర్ కి గలి వంటి ఎత్తైన ప్రాంతాల్లో భారీ మంచు కురిసింది.దీంతో ముఘల్ రోడ్డు, సింథాన్ రోడ్డులను మూసివేశారు.అదే సమయంలో, హిమాచల్ ప్రదేశ్‌లోని శిమ్లాలో దశాబ్దాల తర్వాత డిసెంబర్ మొదటి వారంలోనే మంచు కురిసింది.శిమ్లాలో ఉష్ణోగ్రత 2.5 డిగ్రీల సెల్సియస్‌కు పడిపోయింది.ఈ సీజన్‌లో ఇది అతి చల్లటి రోజు.
