ఏపీలో మొదలైన పోలింగ్ .. మొత్తం ఎంతమంది ఓటర్లంటే ?

ఏపీ వ్యాప్తంగా 4,14,01,887 మంది ఓటర్లు ఉన్నారు.వారిలో 2,10,68,615 మంది మహిళలు ఉండగా, 2,03,39,851 మంది పురుషులు ఉన్నారు.అలాగే 3,421 మంది ట్రాన్స్ జెండర్స్ ఉన్నారు.175 స్థానాలకు గాను 156 అసెంబ్లీ స్థానాల పరిధిలో పురుషుల కంటే మహిళ ఓటర్ల ఎక్కువ మంది ఉన్నారు.ప్రజలు ఓట్లు వేసేందుకు గాను రాష్ట్రవ్యాప్తంగా 46,389 పోలింగ్ కేంద్రాలను ఏర్పాటు చేసినట్లు ఏపీ చీఫ్ ఎలక్షన్ కమిషనర్ ముఖేష్ కుమార్ మీనా( Mukesh Kumar Meena ) వెల్లడించారు.

పోలింగ్ కోసం లక్ష 60 వేల ఈవీఎంలను వినియోగిస్తున్నట్లు వెల్లడించారు .పోలింగ్ కేంద్రాల్లో విధులు నిర్వహించేందుకు రాష్ట్రవ్యాప్తంగా 3,20,566 మంది సిబ్బందిని నియమించినట్లు, అన్ని పోలింగ్ కేంద్రాల వద్ద 144 సెక్షన్ అమలు చేస్తున్నట్లు ఎన్నికల సంఘం ప్రకటించింది.