బంజీ ట్రాంపోలిన్( Bungee Trampoline ) ఎక్కి విన్యాసాలు చేద్దామనుకున్న ఓ మహిళకు ఊహించని అనుభవం ఎదురైంది.సరదాగా, థ్రిల్లింగ్‌గా ఉండాలనుకున్న రైడ్ కాస్తా భయానకంగా, డ్రామాటిక్‌గా మారిపోయింది.
ఈ వీడియో సోషల్ మీడియాలో వైరల్ ( Viral ) అవుతోంది.హేమలతా మీనా అనే యూజర్ ‘X’ (ట్విట్టర్)లో షేర్ చేసిన ఈ వీడియోను కొన్ని గంటల్లోనే 1,79,000 మందికి పైగా చూసేశారు.
వీడియోకు పెట్టిన క్యాప్షన్ కూడా అదిరింది.“జీవన్ మే దుబారా నెహి బైటేగి వో” (ఈ జన్మలో మళ్లీ ఎక్కదు) అని క్యాప్షన్ ఇవ్వగా, స్క్రీన్ మీద మాత్రం “చావుకే పంపించేశారు” అంటూ ఫన్నీగా రాసుకొచ్చారు.చూస్తే మీరూ నవ్వాపుకోలేరు.
వీడియోలో సంప్రదాయ దుస్తుల్లో ఉన్న ఓ మహిళ బంజీ ట్రాంపోలిన్ రైడ్ కోసం రెడీగా నిలబడి ఉంది.హార్నెస్‌తో ఆమెను భద్రంగా కట్టేశారు.అంతా సెట్ అయిపోయింది అనుకున్నారు.
ట్రైనర్ హార్నెస్ వైర్‌ను లాగి ట్రాంపోలిన్ జంప్‌ను రిలీజ్ చేయడానికి ప్రయత్నించాడు.కానీ వైర్ జామ్ అయిపోయింది.
ట్రైనర్ దాన్ని సరి చేయడానికి చాలాసార్లు ట్రై చేశాడు.విపరీతంగా ప్రయత్నించినా హార్నెస్ మాత్రం రిలీజ్ కాలేదు.
అతను ఎంతలా ఇబ్బంది పడ్డాడో వీడియో చూస్తే మీకే అర్థమవుతుంది.
ఇక చాలా ప్రయత్నాల తర్వాత హార్నెస్ ఒక్కసారిగా తెరుచుకుంది.దాంతో ఆ మహిళ రాకెట్‌లా పైకి దూసుకెళ్లింది.ఎంత స్పీడ్‌గా పైకి వెళ్లిందంటే.
వీడియో తీస్తున్న వ్యక్తి కూడా ఆ మూమెంట్ మిస్ అయ్యాడు.కొద్దిసేపు ఆమె కెమెరా ఫ్రేమ్‌లో కూడా కనిపించకుండా పోయింది.
కాసేపటికి మళ్లీ కిందకు రావడం మొదలుపెట్టింది.వీడియో మళ్లీ ఆమె కదలికలను రికార్డ్ చేసింది.కిందకు దిగుతుండగా ఆమె గిర్రున తిరుగుతూ, గాల్లో పల్టీలు కొడుతూ కనిపించింది.ఆ ఫ్లిప్స్ అన్నీ ఆటోమేటిక్‌గా, అనుకోకుండా జరిగిపోయాయి.
అదృష్టవశాత్తూ ఆమెకు ఎలాంటి గాయాలు కాలేదు.
రైడ్ సేఫ్‌గానే ముగిసినా, ఆ మహిళ మాత్రం బాగా భయపడిందని వీడియో చూస్తేనే తెలుస్తోంది.
మొత్తానికి ఈ సీన్ అంతా షాకింగ్‌గా, ఎంటర్‌టైనింగ్‌గా ఉండటంతో వీడియో మాత్రం వైరల్ అయిపోయింది.
