పాకిస్తాన్( Pakistan ) లోని ఓ డాక్టర్ విచిత్రమైన వైద్యం చేస్తున్నారు.వినికిడి సమస్యతో( Hearing Problem ) బాధపడుతున్న ఓ కుర్రాడికి చెంపదెబ్బ కొట్టి మరీ ట్రీట్మెంట్ ఇస్తున్నారు.
ఈ షాకింగ్ వీడియో సోషల్ మీడియాలో తెగ వైరల్ అవుతోంది.@hjb.
news అనే ఇన్స్టా అకౌంట్ లో ఈ వీడియోను పోస్ట్ చేశారు.
వీడియోలో కనిపిస్తున్న వ్యక్తి ఈఎన్టీ డాక్టర్( ENT Doctor ) అని చెబుతున్నారు.
ఈఎన్టీ అంటే చెవి, ముక్కు, గొంతు స్పెషలిస్ట్ అన్నమాట.ఆ డాక్టర్ ముందుగా ఆ కుర్రాడి చెంపపై గట్టిగా ఒకటి వాయించారు.
తర్వాత “అల్లాహ్” అని గట్టిగా అరిచారు.ఆ పిల్లాడు కూడా ఆ మాటనే మళ్లీ అన్నాడు.
అంతే, వెనకాల ఉన్న మరో వ్యక్తి చప్పట్లు కొట్టగానే, కుర్రాడు అటువైపు తిరిగి చూశాడు.ఇది చూసిన చుట్టుపక్కల జనాలు షాక్ అయ్యారు.
కొందరు నవ్వడం కూడా మొదలుపెట్టారు.
అయితే, వీడియోలో ఉన్న వ్యక్తి అసలు డాక్టరే కాదని, క్వాక్ డాక్టర్ అని చాలా మంది అంటున్నారు.అంటే, సరైన మెడికల్ చదువు లేకుండా డాక్టర్ అని చెప్పుకుంటూ తిరిగే వాళ్లన్నమాట.పాకిస్తాన్ లో పరిస్థితి ఎంత దారుణంగా ఉందో ఈ వీడియో చూస్తే అర్థమవుతోందని కొందరు కామెంట్ చేస్తున్నారు.
ప్రభుత్వం కంట్రోల్ తప్పిందని, ఆర్మీ వాళ్లే దేశాన్ని నడిపిస్తున్నారని, అందుకే ఇలాంటి ఫేక్ డాక్టర్లు రెచ్చిపోతున్నారని జనాలు మండిపడుతున్నారు.
ఈ వీడియోకి ఇన్స్టాలో ఇప్పటికే 1 కోటి వ్యూస్ దాటాయి.నెటిజన్లు ఫన్నీ కామెంట్లు పెడుతున్నారు.“మా టీవీ రిమోట్ పనిచేయనప్పుడు మేం కూడా ఇలానే చేస్తాం” అని ఒకరు కామెంట్ చేస్తే, “నాన్న నన్ను ఎందుకు చెంపలేసేవాడో ఇప్పుడే అర్థమైంది” అని మరొకరు పంచ్ వేశారు.
ఈ వీడియో పాకిస్తాన్ లో ఎక్కడ తీశారో తెలియదు కానీ, సోషల్ మీడియాలో మాత్రం విస్తృతంగా చక్కర్లు కొడుతోంది.మీడియా ఈ వీడియో నిజమైనదా లేదా ఫేకా అని కన్ఫర్మ్ చేయలేదు.
ఏదేమైనా, ఈ వీడియో మాత్రం అందరినీ ఆశ్చర్యానికి గురిచేస్తోంది.ఆన్ లైన్ లో మాత్రం దూసుకుపోతోంది.
