మెగా పవర్ స్టార్ రామ్ చరణ్(Ram Charan) తన సతీమణి ఉపాసన(Upasana) ప్రముఖ డైరెక్టర్ బుచ్చిబాబు(Bucchi Babu)కు స్పెషల్ గిఫ్ట్ పంపించారు.ఇటీవల రామ్ చరణ్ 40 వ పుట్టిన రోజు వేడుకలను జరుపుకున్న విషయం తెలిసిందే.
ఇలా ఈ పుట్టినరోజు వేడుకలను అతి కొద్ది మంది సమక్షంలో ఎంతో ఘనంగా నిర్వహించిన సంగతి తెలిసిందే.ఈ క్రమంలోనే చరణ్ పుట్టినరోజు సందర్భంగా ఈమె పలువురు సెలబ్రిటీలకు కానుకలను అందజేశారు.
ఈ క్రమంలోనే ప్రస్తుతం రామ్ చరణ్ నటిస్తున్న పెద్ది (Peddi)సినిమా డైరెక్టర్ బుచ్చిబాబు కోసం కూడా ఈ దంపతులు ఒక కానుకను పంపించారు.
ఇలా చరణ్ ఉపాసన పంపిన ఆ కానుకులకు సంబంధించిన ఫోటోలను బుచ్చిబాబు సోషల్ మీడియా వేదికగా షేర్ చేశారు.దర్శకుడు బుచ్చిబాబుకు చరణ్ దంపతులు హనుమాన్‌ చాలీసా పుస్తకాన్ని, హనుమంతుడి ప్రతిమను గిఫ్ట్‌గా పంపారు.నా మనసులో నీకెప్పుడూ ప్రత్యేకమైన స్థానం ఉంటుంది.
ఆ హనుమంతుడి ఆశీస్సులు నీపై ఎల్లప్పుడూ ఉండాలని కోరుకుంటున్నానని రాసి ఉన్న నోట్‌, శ్రీరాముని పాదుకలను కూడా పంపించారు.
ఈ విధంగా ఉపాసన తన కోసం ఈ విధమైనటువంటి కానుకలను పంపించడంతో డైరెక్టర్ బుచ్చిబాబు ఇందుకు సంబంధించిన ఫోటోలను సోషల్ మీడియా వేదికగా షేర్ చేస్తూ… ఈ బహుమతి మీ ప్రేమను తెలియజేస్తోంది.ఇది నాకెంతో ప్రత్యేకం అంటూ ఉపాసన రామ్ చరణ్ ను ట్యాగ్ చేస్తూ పోస్ట్ చేశారు.ప్రస్తుతం ఈ పోస్ట్ వైరల్ అవుతుంది.
ఇక వీరిద్దరి కాంబినేషన్ లో పెద్ది సినిమా ప్రేక్షకుల ముందుకు రాబోతున్న సంగతి తెలిసిందే.ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది.
ఈ సినిమా కూడా పాన్ ఇండియా స్థాయిలోనే విడుదల కాబోతుంది.ఇక చరణ్ పుట్టినరోజు సందర్భంగా ఈ సినిమా నుంచి చరణ్ ఫస్ట్ లుక్ పోస్టర్ విడుదల చేశారు.
ఈ పోస్టర్ సినిమాపై భారీ స్థాయిలో అంచనాలను పెంచేసింది.
