బాగుంది బాగుంది అంతా బాగుంది .. సొంత సర్వేలతో పార్టీల సెల్ఫ్ గోల్ఫ్

కొన్ని పార్టీలు చెబుతున్న సర్వే లెక్కలు కొంచెం నామీలా ఉన్నా మరికొన్ని మాత్రం ఆశ్చర్యానికి గురిచేస్తుంటాయి.అసలు ఇదెలా సాధ్యం అని అనిపిస్తూనే ఎన్నో సందేహాలు, యక్ష ప్రశ్నలు కలుగుతుంటాయి.ఏపీలో బీజేపీ పరిస్థితి ఎలా ఉండబోతోందనే ప్రశ్నకు సమాధానం అందరికీ తెలిసిందే! అసలు ఆ పార్టీ తరఫున ఎవరు పోటీ చేస్తారనేది కూడా సందేహమే! ఆ పార్టీ తరఫున అసలు ఎవరైనా పోటీకి దిగుతారో లేదో తెలియని పరిస్థితి.

మరి అలాంటి పార్టీకి ఇప్పుడు ఏడు ఎంపీ సీట్లు వస్తాయని సర్వే ద్వారా తేలింది అని చెప్పడం ఎంతవరకు నమ్మాలి.

వచ్చే ఎన్నికల్లో ఏపీలో బీజేపీకి ఏడు ఎంపీ సీట్లు వస్తే.

కాంగ్రెస్‌కు మూడు ఎంపీ సీట్లు వస్తాయట.నమ్మడానికి కూడా అసలు ఊహించని విధంగా ఉన్న ఈ ఫలితాలు.

టైమ్స్ నౌ నిర్వహించిన సర్వేలో వెల్లడయ్యాయి.ఇక టీడీపీ, వైసీపీ సర్వేల్లోనూ తామే గెలుస్తామని పార్టీలు గొప్పగా చెప్పేసుకుంటున్నాయి.

ఇక వైసీపీ అధ్యక్షుడు జగన్ ఓ ఛానెల్ ఇంటర్వ్యూలో టీడీపీకి కేవలం 30 సీట్లు మాత్రమే వస్తాయని జగన్ గట్టిగా చెప్తున్నాడు.

ఇక సీఎం చంద్రబాబు గురించి, ఆయన సర్వేల గురించి ప్రత్యేకంగా చెప్పాల్సిన అవసరమే లేదు.ప్రతి మూడు, ఆరు నెలలకు ఒకసారి.ఆయన సర్వేలు నిర్వహించడం, ఫలితాలను బట్టి ప్రణాళికలు రచించడం వంటివి చేస్తుంటారు.

ఆయన నిర్వహించిన సర్వేలోనూ టీడీపీకి 100 కంటే ఎక్కువ సీట్లు వస్తాయని చెబుతూ ఉంటారు.ఇక అధికారం తమదే అని బాబు చెప్తూ ఉంటారు.ఇలా ఎవరికి వారు తమ సొంత డప్పు కొట్టుకుంటూ అసలు ఏ సర్వేను నమ్మాలి ఏ సర్వేను నమ్మకూడదు అనే గందరగోళాన్ని ప్రజలకు అంటగట్టేసారు.