యూపీఐ యాప్‌ల ద్వారా పొరపాటున డబ్బు వేరొకరికి పంపారా? ఇలా చేస్తే డబ్బు తిరిగి పొందవచ్చు!

అంతేకాదు, ఎన్‌పీసీఐ (NPCI) కూడా ఈ సమస్యలను పరిష్కరించడంలో సహాయం చేస్తుంది.18001201740 టోల్ ఫ్రీ నంబర్‌కు కాల్ చేసి మీ ఫిర్యాదును నమోదు చేయండి.అలాగే NPCI అధికారిక వెబ్‌సైట్ ద్వారా కూడా ఫిర్యాదు చేసుకోవచ్చు.ఈ సమయంలో యూపీఐ ట్రాన్సాక్షన్ వివరాలు, ఇమెయిల్, ఫోన్ నంబర్ ఇవ్వడం చాలా ముఖ్యం.అంతేకాకుండా మీరు డబ్బు పంపిన వ్యక్తి ఫోన్ నంబర్‌ను గుర్తిస్తే, నేరుగా అందుకు సంబంధించి వారి వద్ద కాల్ చేసి మీ తప్పిదాన్ని వివరించండి.డబ్బు తిరిగి పంపాల్సిందిగా వినయపూర్వకంగా అభ్యర్థించండి.

ఎవరికైతే మీరు పొరపాటుగా డబ్బు పంపారో వారు స్పందించకుండా డబ్బు తిరిగి ఇవ్వకపోతే, సమీప పోలీస్ స్టేషన్‌లో ఫిర్యాదు చేయండి.ఇది సైబర్ క్రైమ్‌ కింద వస్తుంది.

కాబట్టి సైబర్ క్రైమ్ విభాగానికి ఫిర్యాదు చేయండి.పోలీసులు అవతలి వ్యక్తి నుంచి మీ డబ్బును తిరిగి ఇప్పిస్తారు.

ఇలా ఫిర్యాదు చేసేప్పుడు యూపీఐ ట్రాన్సాక్షన్ ఐడీ, వర్చువల్ పేమెంట్ అడ్రస్ (VPA), పంపిన మొత్తం, తేదీ, సమయం, ఈ-మెయిల్ ఐడీ, ఫోన్ నంబర్ వివరాలు ఇవ్వాలి.ఈ విధంగా మీరు చర్యలు తీసుకుంటే, మీ డబ్బు తిరిగి రావడానికి అవకాశాలు ఎక్కువగా ఉంటాయి.

కాబట్టి డిజిటల్ లావాదేవీల్లో జాగ్రత్తగా వ్యవహరించండి.పొరపాటుగా డబ్బు పంపితే కంగారు పడకుండా సరైన చర్యలు తీసుకుని మీ డబ్బును సురక్షితంగా తిరిగి పొందండి.