అమరావతి( Amaravati )లో మరి కాసేపటిలో వైసీపీ కీలక సమావేశం జరగనుంది.సీఎం జగన్ ( CM Jagan )అధ్యక్షతన జరుగుతున్న ఈ సమావేశంలో 175 నియోజకవర్గాలకు చెందిన నేతలు హాజరుకానున్నారు.
సమావేశానికి రీజనల్ కోఆర్డినేర్లు, మంత్రులు, ఎమ్మెల్యేలు, ఎమ్మెల్సీలు, పార్టీ జిల్లా మరియు మండల అధ్యక్షులు పాల్గొననున్నారు.
అసెంబ్లీ ఎన్నికలతో పాటు లోక్ సభ ఎన్నికలు( Lok Sabha Elections ) రానున్న నేపథ్యంలో పార్టీ శ్రేణులు అనుసరించాల్సిన వ్యూహాలపై సీఎం జగన్ దిశానిర్దేశం చేయనున్నారు.కాగా మండల స్థాయి నుంచి రాష్ట్ర స్థాయి వరకు సుమారు 2700 మంది నుంచి 3 వేల మంది నాయకులు హాజరుకానున్నారు.ఎన్నికల్లో అనుసరించాల్సిన వ్యూహాలపై దిశానిర్దేశంతో పాటు ప్రతి బూత్ లో 60 శాతం ఓట్లు సాధించేలా శిక్షణా కార్యక్రమం నిర్వహించనున్నారు.
