పవన్ పై కేసు... వైసీపీ 'తప్పు ' లో కాలేసిందా ? 

 ఈ జీవో జారీ అయిన వెంటనే పవన్ ఘాటుగానే రియాక్ట్ అయ్యారు.ప్రజల కోసం ప్రాణాలు పోయినా పర్లేదని , ఈ విషయంలో వెనక్కి తగ్గేదే లేదని,  తనను అరెస్టు చేసి హింసించుకోండి అంటూ పవన్ వ్యాఖ్యానిస్తూ మైలేజ్ పొందే ప్రయత్నం చేశారు.అయితే పవన్ పై ప్రభుత్వం కేసు వేయాలనే ఆలోచనకు రావడం వ్యూహాత్మక తప్పిదం అవుతుందని వైసీపీ కీలక నాయకులు కొంతమంది వ్యాఖ్యానిస్తున్నారు.

ఈ కేసు వ్యవహారాన్ని అడ్డుపెట్టుకుని పవన్ ప్రజల్లో సానుభూతి పొందే ప్రయత్నం చేస్తారని, ప్రజల కోసం తాను పోరాడుతుంటే , కేసులతో ఇబ్బంది పెట్టే ప్రయత్నం చేస్తున్నారని, ప్రజల్లోకి వెళ్లి సానుభూతి పొంది అవకాశం ఇచ్చినట్లు అవుతుందని చెబుతున్నారు.పవన్ పై కేసు వేయాలనుకుంటే వాళ్ళే వాలంటీర్( Volunteer ) తోనైనా,  లేక థర్డ్ పార్టీ చేతో కేసు పెట్టించాలి కానీ,  నేరుగా ప్రభుత్వమే రంగంలోకి దిగి జీవో ఇవ్వడం జనసేనకు రాజకీయంగా మరింత అవకాశం ఇచ్చినట్లు అవుతుందనే వాదన తెరపైకి వస్తోంది.

అసలు కోర్టులో ప్రభుత్వ వాదన నిలబడుతుందా లేదా అనే చర్చ జరుగుతుంది.అయితే మరి కొంత మంది వైసీపీ నాయకుల వాదన మరోలా ఉంది.ఇది కోర్టులో నిలబడుతుందో లేదో తెలియదు గాని , వాలంటీర్ వ్యవస్థపై చులకన భావంతో చేసిన ఆరోపణలు ప్రజల్లోకి బలంగా వెళతాయని, ఇక ముందు ముందు వాలంటీర్ వ్యవస్థ పై ఎవరూ చులకన భావంతో విమర్శలు చేయకుండా ఉంటారనే అభిప్రాయాలు వ్యక్తమవుతున్నాయి.