టాలీవుడ్ మ్యాచో స్టార్ గోపీచంద్ ఫుల్ స్వింగ్ లో ఉన్నాడు.హిట్ ప్లాపులతో సంబంధం లేకుండా వరుసగా సినిమాలు చేస్తూ దూసుకు పోతున్నాడు.మినిమమ్ గ్యారెంటీ హీరోగా ఎదిగిన గోపీచంద్ ఈ మధ్య కాలంలో హిట్ అందుకోలేక పోతున్నాడు.2014లో లౌక్యం సినిమాతో బ్లాక్ బస్టర్ హిట్ అందుకున్నాడు.అయితే ఆ రేంజ్ లో మరో హిట్ అయితే ఈయన ఖాతాలో ఇంత వరకు పడలేదు.
దీంతో వరుస సినిమాలు చేస్తూనే మంచి హిట్ కోసం ఎదురు చూస్తున్నాడు.
సీటీమార్ సినిమాతో ఒక మాదిరి హిట్ తన ఖాతాలో వేసుకున్నాడు అనుకుంటే ఆ వెంటనే పక్కా కమర్షియల్ తో మళ్ళీ ప్లాప్ అందుకున్నాడు.ఇక ప్రెజెంట్ గోపీచంద్ లౌక్యం వంటి హిట్ ఇచ్చిన డైరెక్టర్ శ్రీవాస్ దర్శకత్వంలో ‘రామబాణం’ సినిమా చేస్తున్నాడు.
ఇప్పటికే ఈ సినిమా నుండి రిలీజ్ అయిన పోస్టర్స్, టీజర్ ఆడియెన్స్ ను అలరించాయి.
ఈ సినిమా షూట్ పూర్తి కానుండడంతో వెంటనే గోపీచంద్ మరో సినిమాను ప్రకటించాడు.తన కెరీర్ లో 31వ ప్రాజెక్ట్ గా తెరకెక్కనున్న ఈ సినిమాను ఈ రోజు పూజా కార్యక్రమాలతో గ్రాండ్ గా లాంఛ్ చేసారు.ఈ సినిమాను శ్రీ సత్యసాయి ఆర్ట్స్ బ్యానర్ పై కేకే రాధామోహన్ నిర్మిస్తుండగా కన్నడ డైరెక్టర్ ఏ హర్ష డైరెక్ట్ చేయనున్నాడు.
ఈ సినిమా రెగ్యురల్ షూట్ కూడా ఈ నెల చివరి నుండి స్టార్ట్ కానుంది.
ఇక ఈ సినిమాను వెంటనే షూట్ స్టార్ట్ చేసి శరవేగంగా పూర్తి చేయనున్నట్టు తెలుస్తుంది.కేజిఎఫ్ ఫ్రాంచైజీతో ఫేమ్ సంపాదించుకున్న మ్యూజిక్ డైరెక్టర్ రవి బస్రుర్ ఈ సినిమాకు సంగీతం అందిస్తున్నాడు.ఈ మ్యూజిక్ డైరెక్టర్ సలార్ తర్వాత గోపీచంద్ సినిమాకు సైన్ చేయడంతో ఈ సినిమాపై మరిన్ని అంచనాలు పెరిగాయి.
చూడాలి గోపీచంద్ కోరుకున్న హిట్ ను ఏ డైరెక్టర్ అందిస్తాడో.