అమెరికా : పోలీసు వాహనం ఢీ కొట్టి తెలుగమ్మాయి మృతి.. 6 నెలల తర్వాత బాడీక్యామ్‌లో ప్రమాద దృశ్యాలు

ఈ ఏడాది జనవరిలో అమెరికాలోని సీటెల్ నగరంలో( Seattle ) పోలీస్ వాహనం ఢీకొట్టి కందుల జాహ్నవి( Jaahnavi Kandula ) అనే తెలుగు అమ్మాయి దుర్మరణం పాలైన సంగతి తెలిసిందే.

ఈ ఘటన అప్పట్లో కలకలం సృష్టించింది.

ఉన్నత చదువులు చదివి గొప్ప స్థాయికి చేరుకుంటుంది అనుకున్న తమ బిడ్డ తిరిగిరాని లోకాలకు తరలిపోవడంతో ఆమె తల్లిదండ్రులు కన్నీరుమున్నీరుగా విలపించారు.ఈ ప్రమాదం జరిగిన దాదాపు ఆరు నెలల తర్వాత పోలీసులు ధరించిన బాడీక్యామ్‌లో( Bodycam ) రికార్డ్ అయిన ఘటన దృశ్యాలు వెలుగుచూశాయి.

నార్త్ ఈస్ట్ యూనివర్సిటీలోని కాలేజ్ ఆఫ్ ఇంజనీరిగ్‌లో ఇన్ఫర్మేషన్ సిస్టమ్స్‌లో మాస్టర్ ఆఫ్ సైన్స్ చదువుతోంది.ఈ క్రమంలో జనవరి 23న జాహ్నవి రోడ్డు దాటుతుండగా పోలీస్ వాహనం దూసుకొచ్చి ఆమెను ఢీకొట్టింది.

ఈ సమయంలో వాహనంలో సీటెల్‌ పోలీస్ విభాగానికి చెందిన కెవిన్ డేవ్ ( Kevin Dave ) వున్నాడు.అతని బాడీ కెమెరాలో రికార్డ్ అయిన దృశ్యాలను బట్టి.

కెవిన్ స్పీడో మీటర్ గంటకు 74 మైళ్ల వేగాన్ని చూపుతోంది.ఫాక్స్ సీటెల్ వార్తా సంస్థ కథనం ప్రకారం.

జాహ్నవిని డెక్స్‌టర్ అవెన్యూ నార్త్ , థామస్ స్ట్రీట్ కూడలి వద్ద కారు ఢీకొట్టింది.తీవ్ర గాయాలైన ఆమెను స్థానికులు, పోలీస్ అధికారులు హార్బర్ వ్యూ మెడికల్ సెంటర్‌కు తరలించగా అక్కడ చికిత్స పొందుతూ ప్రాణాలు కోల్పోయింది.