అమెరికాలో( America ) ఉంటున్న ఓ డిజిటల్ క్రియేటర్ మనందరికీ తెలిసిన ‘సపోటా’ పండును చూసి, అదేదో ‘వింత బంగాళాదుంప’ ( Exotic Potato ) అని చెప్పేసింది.అంతేకాదు, దాని టేస్ట్ అచ్చం ‘పియర్ పండును సిరప్‌లో కలిపినట్లు’ ఉందని కూడా ఓ పోస్ట్ పెట్టింది.ఇంకేముంది, ఇది చూసిన ఇండియన్ సోషల్ మీడియా యూజర్లకు నవ్వాపుకోలేక, ఇదేం విడ్డూరం రా బాబూ అని కన్ఫ్యూజ్ అయిపోతున్నారు.
‘స్వీటీ క్రాఫ్ట్’ ( Sweety Craft ) అనే ఇన్‌స్టాగ్రామ్ యూజర్ ఈ వీడియోను షేర్ చేసింది.ఆ వీడియోలో ఆమె ఒక సపోటా పండును కోస్తూ, దాని గురించి తన అభిప్రాయాలను పంచుకుంది. “మెత్తటి బంగాళాదుంప” అని ఆమె పిలుస్తున్న దాన్ని జనాలు పచ్చిగా ఎలా తినేస్తున్నారో అని తెగ ఆశ్చర్యపోయింది.
“దీని తొక్క నొక్కితే లోపలికి పోతుంది.ఈ బంగాళాదుంపను కోస్తే, లోపల కాస్త జిగురుగా ఉండే ఆరెంజ్ రంగు గుజ్జు కనిపిస్తుంది” అని వివరిస్తూ పోయింది.
తొక్కకు దగ్గరగా పొడవాటి పీచులు ( Long Fibers ) ఉంటాయని, కానీ గుజ్జు మాత్రం “వెన్నలా నునుపుగా” ఉందని కూడా చెప్పింది.టేస్ట్ విషయానికొస్తే, దాన్ని “సిరప్‌లో నానబెట్టిన పియర్ పండులా” ( Pear In Syrup ) పోల్చింది.
పాపం, ఆమెకు సపోటా అనేది మనలాంటి ఎన్నో దేశాల్లో ఎంత ఫేమస్, ఇష్టమైన పండో అస్సలు తెలియదు.
“ఈ వింత బంగాళాదుంపను జనాలు పచ్చిగా ఎందుకు తింటారో నాకు అర్థం కాలేదు” అనే టైటిల్‌తో పోస్ట్ చేసిన ఈ వీడియోకు ఇన్‌స్టాగ్రామ్‌లో దాదాపు 60 లక్షలు వ్యూస్ వచ్చేశాయి.ఇది చూసిన మన ఇండియన్ యూజర్లు ఊరుకుంటారా, ఆ పోలిక చూసి అవాక్కయ్యారు, నవ్వుకున్నారు, కామెంట్లతో ఆడుకోవడం మొదలుపెట్టారు.
ఒక యూజర్ సరదాగా “అది సపోటానే పిన్నీ.
అని కామెంట్ పెట్టాడు.ఇంకొకరు, “సపోటాను ఇంత దారుణంగా అవమానించడం నేనెప్పుడూ చూడలేదు” అని వాపోయారు.
చాలామంది ఇండియన్స్ ఫన్నీగా సపోటా పండుకు డిఫెన్స్‌గా దిగారు.ఒకరు, “మెత్తటి బంగాళాదుంప అంటావా? మేడమ్, ఇది మా ఇండియన్ ట్రెజర్” అని గర్వంగా అంటే, ఇంకొకరు, “సపోటానే బంగాళాదుంప అయితే, మరి మామిడి పండు క్యారెట్ అయి ఉండాలి కదా” అని భలే సెటైర్ వేశారు.
మరికొందరు ఈ పోలిక విచిత్రంగా ఉన్నా నవ్వు ఆగట్లేదన్నారు.ఒక యూజర్, “సిరప్‌లో పియర్ పండా? నాకు అధికారికంగా ట్రస్ట్ ఇష్యూస్ మొదలయ్యాయి” అని కామెంట్ చేశాడు.ఇంకొందరు ఆ వివరణను ఆటపట్టిస్తూ, “ఇంకేముంది, నెక్స్ట్ మామిడి పండును కారంగా ఉండే యాపిల్ అంటారేమో?” అని జోక్ చేశారు.
మొత్తానికి, ఈ ‘వింత బంగాళాదుంప’ వీడియో ఇప్పుడు సోషల్ మీడియాలో వైరల్ సెన్సేషన్ అయింది.
ప్రపంచంలో వేర్వేరు ప్రాంతాల్లో జనాలకు పండ్ల మీద ఉండే అవగాహనలో ఎంత తేడా ఉంటుందో ఈ సంఘటన భలే ఫన్నీగా చూపించింది.
