13వేల అడుగుల ఎత్తులో పొడవైన టన్నెల్ ఏమిటని ఆశ్చర్యపోవద్దు.మీరు విన్నది నిజమే.
కేంద్ర ప్రభుత్వం సరిహద్దుల్లో భద్రతకు చాలా ప్రాధాన్యత ఇస్తోన్న విషయం తెలిసినదే.మరీ ముఖ్యంగా ఇండో-చైనా బోర్డర్‌లో సైనిక, రవాణా వసతులను శరవేగంగా మెరుగు పరుస్తోంది.
ఈ క్రమంలో సరిహద్దు వెంబడి సైన్యం సునాయాసంగా కదిలేందుకు వీలుగా రోడ్లను నిర్మించడం విశేషం.పలు ప్రాంతాల్లో ఎయిర్ ఫెసిలిటీలు, కమ్యూనికేషన్ వ్యవస్థను( Air facilities, communication system ) బలపరుస్తోంది.
ఇదిలా ఉంటే అరుణాచల్ ప్రదేశ్ రాష్ట్రంలో 13,000 అడుగుల ఎత్తులో ప్రపంచంలోనే అతిపొడవైన బై-లైన్ సెలా టన్నెల్ మార్గాన్ని పూర్తి చేస్తోంది.
ప్రధాని నరేంద్ర మోడీ( Prime Minister Narendra Modi ) 2019లో సెలా టన్నెల్( Selah Tunnel ) కి శంకుస్థాపన చేసిన విషయాన్ని మీరు వినే వుంటారు.ఇండో-చైనా బోర్డర్లోని తూర్పు సెక్టార్ వైపు మెరుగైన కనెక్టివిటీ కోసం అరుణాచల్ రాష్ట్రంలో వ్యూహాత్మకంగా భారత్ ఈ సెలా సొరంగాన్ని నిర్మించడం గమనార్హం.బి‌ఆర్‌ఓ (బోర్డర్ రోడ్ ఆర్గనైజేషన్) నిర్మిస్తున్న ఈ టన్నెల్‌ని యుద్ధ ప్రాతిపదికన నిర్మించబడుతోంది.
ప్రస్తుతం సెలా టన్నెల్ పనులు చివరి దశలో వున్నట్టు విశ్వసనీయ వర్గాల సమాచారం.ఈ ఏడాదిలోగా టన్నెల్ అందుబాటులోకి వస్తుందని అధికారులు చెబుతున్నారు.
ఈ సొరంగం తవాంగ్ ప్రజలకు అన్ని వాతావరణ పరిస్థితుల్లో మంచి రవాణా సౌకర్యాలను అందిస్తుందని భావిస్తున్నారు.కాగా ఈ టన్నెల్ నిర్మాణానికి సంబంధించి 90 శాతం పనులు పూర్తయ్యాయని అధికారులు తెలిపారు.ఇకపోతే ఈ సెలా టన్నెల్ ప్రాజెక్టు 2 సొరంగాలను కలిగి ఉంది.టన్నెల్-1 పొడవు 980 మీటర్లు కలిగిన సింగిల్ ట్యూబ్ టన్నెల్ కాగా.టన్నెల్-2, 1555 మీటర్ల పొడవైన ట్విన్ ట్యూబ్ టన్నెల్.సెలా టన్నెల్ సెలా పాస్ నుంచి 400 మీటర్ల దిగువన ఉంది.
శీతాకాలంలో విపరీతమైన మంచు కురిసే సందర్భాల్లో కూడా ఈ టన్నెల్ గుండా ప్రయాణాలు కొనసాగించవచ్చు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
