బీఆర్ఎస్ నుంచి కాంగ్రెస్ లోకి నాయకుల వలస పరంపర కొనసాగుతూనే ఉంది .ప్రస్తుతం బీఆర్ఎస్ పార్టీ అధినేత కేసీఆర్ ఫామ్ హౌస్ కే పరిమితం కావడం, హరీష్ రావు , కేటీఆర్ లు ఇద్దరు ఢిల్లీలోనే గత వారం రోజులుగా మకాం వేయడం, ఢిల్లీ లిక్కర్ స్కాం వ్యవహారంలో అరెస్ట్ అయిన ఎమ్మెల్సీ కల్వకుంట్ల కవిత( Kalvakuntla Kavitha ) కు బెయిల్ కోసం ప్రయత్నాలు చేస్తూ ఉండడం, ఈ సందర్భంగా కాంగ్రెస్ పైన మీడియా సమావేశం నిర్వహించి విమర్శలు చేయడం వంటివ చోటు చేసుకుంటూ ఉండగా, బీఆర్ఎస్ ఎమ్మెల్యేలలో చాలామంది మాత్రం పార్టీ మారేందుకు ప్రణాళికను ముమ్మరం చేశారు.
ఇప్పటికే కొంతమంది బీఆర్ఎస్ ఎమ్మెల్యేలు టిడిపి అధినేత చంద్రబాబుతో భేటీ కాగా , మరి కొంతమందితో ఆ పార్టీలో చేరేందుకు మంతనాలు చేస్తున్నారు.ఇప్పటికే చాలామంది బీఆర్ఎస్ ఎమ్మెల్యేలు కాంగ్రెస్ కండువా కప్పుకున్నారు.
ఈ అంశంపైనే ఢిల్లీలో కేటీఆర్ ( KTR )మీడియా సమావేశంలో కాంగ్రెస్ పార్టీ పై నిప్పులు చెరిగారు.ఇదిలా ఉండగానే, కాంగ్రెస్ నుంచి వస్తున్న ఆఫర్లతో బిఆర్ఎస్ ఎమ్మెల్యేలు అటువైపు మొగ్గుచూపుతున్నారట.ఇప్పటికే కొంతమంది బీఆర్ఎస్ ఎమ్మెల్యేలు , మంత్రులు తో పాటు, సీఎం రేవంత్( CM Revanth reddy ) తోనూ రహస్యంగా భేటీ అయినట్లు సమాచారం.ఇప్పటికే కొంతమంది పార్టీ మారే ఆలోచనతో ఉన్న టిఆర్ఎస్ ఎమ్మెల్యేలను ఫామ్ హౌస్ కు పిలిపించుకుని కేసిఆర్ బుజ్జగిస్తున్నా.
ఫలితం కనిపించడం లేదట.బీఆర్ఎస్ ఎమ్మెల్యే డాక్టర్ సంజయ్( BRS MLA Dr Sanjay ) కాంగ్రెస్ లో చేరిన దగ్గర నుంచి మిగతా బీఆర్ఎస్ ఎమ్మెల్యేలు కాంగ్రెస్ లో చేరేందుకు ఎక్కువ ఉత్సాహం చూపిస్తున్నారట.
కేసీఆర్ , కేటీఆర్ హరీష్ రావు పూర్తిగా ఈ వ్యవహారాలపై ఫోకస్ పెట్టి, పార్టీ ఎమ్మెల్యేలు, కీలక నాయకులు పార్టీ మారకుండా చేయగలిగితేనే బిఆర్ఎస్ ఉనికికి ఏ డొఖా ఉండదనే అభిప్రాయాలు రాజకీయ వర్గాల్లో వ్యక్తం అవుతున్నాయి.ప్రస్తుతం ఈ విపత్కర పరిస్థితుల నుంచి బీఆర్ఎస్ ను ఏవిధంగా కేసీఆర్, కేటీఆర్ , హరీష్ రావులు ఒడ్డున పడేస్తారనేది ఆసక్తికరంగా మారింది.కేసిఆర్ ఫామ్ హౌస్ నుంచి బయటకు వచ్చి పూర్తిగా పార్టీ పై ఫోకస్ చేయకపోతే రానున్న రోజుల్లో బీఆర్ఎస్ మరింత బలహీనం అవుతుందనడంలో సందేహం లేదు.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
