మెగాస్టార్ తనయుడు చరణ్ పుట్టిన రోజు నేడు.ఈ సందర్భంగా సోషల్ మీడియాలో ఆయన అభిమానులు చేస్తున్న సందడి అంతా ఇంతా కాదు.
ఇదే సమయంలో ఆయన చేసిన సినిమాలు.చేస్తున్న సినిమాలకు సంబంధించిన పోస్టర్ లు.వీడియోలు విడుదల చేసి అభిమానులకు స్పెషల్ సర్ప్రైజ్ ని చిత్ర యూనిట్ సభ్యులు ఇవ్వడం జరిగింది.ఆచార్య సినిమాలో ప్రత్యేక పాత్రలో చరణ్ నటించిన విషయం తెలిసిందే.
ఆ సినిమాకు సంబంధించిన పోస్టర్ను విడుదల చేశారు.అలాగే యు.
వి.క్రియేషన్స్ బ్యానర్ లో గౌతమ్ తిన్ననూరి దర్శకత్వం లో ఒక సినిమా రామ్ చరణ్ చేయబోతున్న విషయం తెలిసిందే.ఆ సినిమాకు సంబంధించిన విషయం ఇప్పటికే ప్రకటించారు.తాజాగా రామ్ చరణ్ పుట్టిన రోజు సందర్భంగా ఒక పోస్టర్ని విడుదల చేసి అందుకు సంబంధించిన విషయాన్ని అధికారికంగా మరో సారి వెల్లడించడంతో గౌతమ్ దర్శకత్వంలో రామ్ చరణ్ జర్నీ సినిమా త్వరలోనే ప్రారంభం కాబోతోందని ప్రతి ఒక్కరూ భావిస్తున్నారు.
ప్రస్తుతం శంకర్ దర్శకత్వంలో రామ్ చరణ్ ఒక సినిమా చేస్తున్నాడు.ఆ సినిమాకు సంబంధించిన షూటింగ్ కార్యక్రమాలు జులై లేదా ఆగస్టులో పూర్తి అయ్యే అవకాశం ఉందని సమాచారం అందుతోంది.
ఆ వెంటనే అంటే ఆగస్టు లేదా సెప్టెంబర్ లో సినిమాకు సంబంధించిన షూటింగ్ కార్యక్రమాలను ప్రారంభించేందుకు దర్శకుడు గౌతమ్ తిన్ననూరి ఏర్పాట్లు చేస్తున్నట్లు తెలుస్తోంది.
ప్రభాస్ స్నేహితులు సన్నిహితులు అయిన వంశీ మరియు ప్రమోద్ ఈ సినిమాకు సంబంధించిన నిర్మాణ కార్యక్రమాలను చూసుకుంటున్నారు.వారిద్దరూ చరణ్ కు కూడా ఆప్త మిత్రులు అందుకే యు.వి.క్రియేషన్స్ లో చరణ్ నటించేందుకు ఓకే చెప్పాడు.ఆ విషయం మరోసారి ఈ పోస్టర్ తో క్లారిటీ ఇచ్చారు. ఈ సందర్భంగా మా తరపున మీ తరఫున కూడా రామ్ చరణ్ కి పుట్టిన రోజు శుభాకాంక్షలు.