ప్రేమించుకున్న వారు బయట తిరగడం, షికార్లు చేయడం, పార్టీలకు వెళ్లడం లాంటివి విషయాలు సర్వసాధారణమే.అయితే తాజాగా ఓ వ్యక్తి తన ప్రియురాలిని డేటింగ్ కు తీసుకు వెళ్లాలని సరదా పడ్డాడు.
అయితే ప్రియురాలు డేటింగ్ కు ఒకటే రాకుండా తనతో పాటు ఏకంగా 23 మంది స్నేహితులను కూడా తీసుకు వెళ్ళింది.ఇంకేముంది వాళ్ళందరిని చూసి ఆ ప్రేమికుడి గుండె ఆగినంత పని అయిపోయింది పాపం.
వాళ్ల అందరితో కలిసి భోజనం చేసిన తర్వాత వెయిటర్ తీసుకు వచ్చిన బిల్లు చూసి ఆ ప్రేమికుడు అక్కడినుంచి చిన్నగా జారుకున్నాడు.అయితే ఈ సంఘటనకు సంబంధించి పూర్తి వివరాల్లోకి వెళితే.
చైనా దేశంలోని జోజియాంగ్ ప్రాంతానికి చెందిన ఇద్దరు యువతీ యువకులు ఆన్లైన్లో పరిచయాలు పెంచుకొని ఆ తర్వాత వారిద్దరి మధ్య స్నేహం బలపడడంతో.వారి స్నేహాన్ని నెక్స్ట్ లెవెల్ కి తీసుకు వెళ్దామని భావించిన వారు డేటింగ్ కి వెళ్దామని అనుకున్నారు.
అందుకోసం ఓ భారీ ప్లాన్ కూడా వేసుకున్నారు.ఓ రెస్టారెంట్ కి వెళ్లి అక్కడ వారిద్దరూ మనసు విప్పి మాట్లాడుకోవాలి అని అనుకున్నారు.
ఇందులో భాగంగానే ఆ యువకుడు అనుకున్న రెస్టారెంట్ కు చేరుకున్నాడు.తన ప్రేయసి కోసం వేయి కళ్ళతో ఎదురు చూస్తున్న అతడు ఇంతలో అతని ప్రేయసి ఏకంగా 23 మంది స్నేహితులను తీసుకొని వచ్చింది.
దీంతో ఆ యువకుడు ఏం చేయాలో అర్థం కాక వారు అందరితో కబుర్లు చెప్పుకుంటూ భారీగా విందు ఆరగించారు.ఇక ఇప్పుడే అసలైన సంగతి మొదలైంది.
వారు తిన్న ఫుడ్ కి ఆ ఆ హోటల్ వెయిటర్ బిల్లు తీసుకొని రాగా ఆ బిల్ చూసి అక్కడి నుంచి అతడు జారుకున్నాడు.తన ప్రియురాలు వారి బ్యాచ్ మొత్తం తిన్న ఆహారానికి ఏకంగా 19800 యునాన్లు.
అంటే మన భారత కరెన్సీలో ఏకంగా 2 లక్షల 17వేల బిల్లును తీసుకోచ్చాడు.ఇక అంతే ఆ బిల్లు చూడగానే ఆ యువకునికి కళ్ళు తిరిగినంత పని కావడంతో చుట్టుపక్కల ఉన్న ఎవరిని పట్టించుకోకుండా అక్కడ నుంచి జారుకున్నాడు ఆ యువకుడు.
ఈ సందర్భంగా సదరు ప్రేమికురాలు మాట్లాడుతూ.తన ప్రియుడు తొలిసారిగా తనను కలుసుకునేందుకు బ్లైండ్ డేట్ కు ప్లాన్ చేసుకున్నామని.అయితే తాను 23 మందిని వెంటేసుకొని రెస్టారెంట్ కి వెళ్లానని అయితే తామంతా తిన్నాక అతను ఆ బిల్లును చూసి ఆ యువకుడు అక్కడి నుంచి పరారయ్యాడు అని చెప్పుకొచ్చింది.దీంతో తాము తిన్న ఆహారానికి తామే పూర్తిగా బిల్లులు చెల్లించి ఆ రెస్టారెంటు నుంచి బయటపడ్డామని చెప్పుకొచ్చింది.
అయితే ఇక్కడ మరో ట్విస్ట్ ఏంటంటే.ఆ యువతి ఆ యువకుని పై పోలీస్ కేస్ పెట్టడమే.
ఇలా పోలీస్ కేస్ పెట్టడంతో ఆ యువకుడు చేసేది ఏమీ లేక తన స్థాయికి తగ్గట్టుగా కేవలం కొద్ది మొత్తాన్ని చెల్లించేందుకు ముందుకు వచ్చాడు.
