గత ఏడాది ఎలాంటి అంచనాలు లేకుండా తెలుగు, తమిళం, కన్నడ, హిందీ తదితర భాషలలో విడుదలై బాక్సాఫీసు వద్ద కలెక్షన్ల సునామీ సృష్టించిన కేజీఎఫ్ చిత్రం గురించి తెలుగు ప్రేక్షకులకు కొత్తగా పరిచయం చేయాల్సిన అవసరం లేదు.అయితే కేజీఎఫ్` చాప్టర్ – 1 చిత్రం అంచనాలకు మించి విజయం సాధించడంతో కేజీఎఫ్ చాప్టర్ – 2 చిత్రంపై భారీ అంచనాలు నెలకొన్నాయి.
దీంతో కొందరు సినీ అభిమానులు కేజీఎఫ్ చాప్టర్ 2 ఎప్పుడు ఎప్పుడు విడుదల అవుతుందా… అని ఆసక్తికరంగా వేచి చూస్తున్నారు.దీంతో తాజాగా ఇటీవలే ఓ ప్రముఖ యూట్యూబ్ ఛానల్ కేజీఎఫ్ చాప్టర్ – 2 అఫీషియల్ ట్రైలర్ అంటూ ఓ వీడియోని యూట్యూబ్లో విడుదల చేసింది.
ఈ వీడియో విడుదల చేసిన మూడు రోజుల్లోనే దాదాపుగా 12 లక్షలకు పైగా వ్యూస్ వచ్చాయి.
దీన్ని బట్టి అర్థం చేసుకోవచ్చు కేజీఎఫ్ చాప్టర్ – 2 కోసం ప్రేక్షకులు ఎంతగా ఎదురు చూస్తున్నారో అని.అయితే ఆ వీడియోని ఒకసారి పరిశీలించినట్లయితే ఆ వీడియోలో కేవలం కే జి ఎఫ్ చాప్టర్ వన్ కొన్ని సన్నివేశాలు మరియు కేజీఎఫ్ చాప్టర్ – 2 లోని నటీనటుల వివరాలు తప్ప మరేం పెద్దగా విషయం లేదు.
అయితే ఈ విషయం ఇలా ఉండగా గతంలో ఈ చిత్ర దర్శకుడు ప్రశాంత్ నీల్ కేజీఎఫ్ చాప్టర్ – 2 చిత్రాన్ని ఆగస్టు నెలలో విడుదల చేస్తున్నట్లు ప్రకటించినప్పటికీ ప్రస్తుతం కరోనా వైరస్ కారణంగా కొంత కాలం పాటు ఈ చిత్ర షూటింగ్ పనులను వాయిదా వేశారు.
దీంతో ఈ చిత్రం విడుదల తేదీని కూడా మార్చేందుకు చిత్ర యూనిట్ సభ్యులు సన్నాహాలు చేస్తున్నట్లు సమాచారం.