ఈ మధ్యకాలంలో సాధారణంగా చాలామంది ప్రజలలో అధిక కొలెస్ట్రాల్ బాగా పెరిగిపోయింది.సాధారణంగా కొంతమందికి కొలెస్ట్రాల్ పేరు వినగానే అది చాలా చెడ్డదని అనుకుంటూ ఉంటారు.
కానీ ఇందులో రెండు రకాల కొలెస్ట్రాల్ లు ఉంటాయి.మంచి కొలెస్ట్రాల్ శరీరంలో ఆరోగ్యకరమైన కణాలను తయారు చేయడానికి ఎంతగానో ఉపయోగపడుతుంది.
కానీ చెడు కొలెస్ట్రాల్ పరిమాణం పెరిగినప్పుడు రక్తనాళాలలో కొవ్వు పేరుకుపోయి రక్తం గడ్డ కట్టడానికి దారితీస్తుంది.
ఇది రక్త ప్రవాహానికి ఆటంకం కలిగిస్తుంది.
ఇలాంటి ప్రమాదాలను నివారించడానికి ఆరోగ్యకరమైన ఆహారం తీసుకోవాలి.మంచి జీవన శైలి అనుసరించాలి.
శరీరంలో కొలెస్ట్రాల్ పెరిగింది అని చెప్పడానికి కొన్ని సంకేతాలు కనిపిస్తాయి, అవి ఏంటో ఇప్పుడు తెలుసుకుందాం.శరీరంలో చెడు కొలెస్ట్రాల్ పెరిగితే అది నేరుగా రక్త పోటుకు దారి తీస్తుంది.
రక్తంలో కొవ్వు శాతం ఎంత పెరిగితే రక్తపోటు అంతగా పెరుగుతుంది.కాబట్టి కారణం తెలియకుండానే బిపి పెరిగిపోతుంటే అధిక కొలెస్ట్రాల్ ఉంది అని అర్థం చేసుకోవచ్చు.
ఇంకా చెప్పాలంటే కాళ్లు, చేతులు తిమ్మిరికి గురికావడాన్ని తేలిక గా తీసుకోకూడదు.ఇది అధిక కొలెస్ట్రాల్ కు సంకేతంగా గుర్తించాలి.ధమనులలో రక్త ప్రసరణ ఆక్సిజన్ సరఫరా లో అవరోధం ఉండడం వల్ల ఇలా జరుగుతుంది.ఇంకా చెప్పాలంటే శరీరంలో చెడు కొలెస్ట్రాల్ పెరిగినప్పుడు ధమనులలో కొవ్వు పేరుకుపోతుంది.
ఇది సిరలలో రక్త ప్రవాహాన్ని అడ్డుకుంటుంది.చేతివేళ్లు, కాలి వేళ్లకు సరైన రక్తం సరఫరా లేకపోవడం వల్ల అవి లేత గులాబీ రంగులోకి లేదా పసుపు రంగులోకి మారుతాయి.
అయితే ఉండవలసిన దానికన్నా అధిక కొవ్వు ఉండటం వల్ల ఇలా జరుగుతుంది.మధుమేహం ఉంటే కొలెస్ట్రాల్ కూడా పెరుగుతూ ఉంటుంది.అందువల్ల మధుమేహం ఉన్నవారు మూడు నెలలకు ఒకసారి రక్తంలో సరాసరి చక్కర శాతం ఎంత ఉందో తెలుసుకునే పరీక్షతోపాటు కొలెస్ట్రాల్ స్థాయిని తెలుసుకునే పరీక్ష కూడా చేయించుకోవడం వల్ల కొలెస్ట్రాల్ ను అదుపు చేసుకోవచ్చు.