యంగ్ హీరో నాగ శౌర్య రీసెంట్గా అశ్వద్ధామ చిత్రంతో ప్రేక్షకులను మెప్పించిన సంగతి తెలిసిందే.ఈ సినిమా కమర్షియల్గా సక్సెస్ కాకపోయినా శౌర్యకు మంచి పేరును తీసుకొచ్చింది.
ఇక ప్రస్తుతం తన కెరీర్లో 20వ చిత్రాన్ని తెరకెక్కిస్తున్న నాగశౌర్య, ఈ సినిమా కోసం చాలా కష్టపడుతున్నాడట.ఇప్పటికే ఈ సినిమా ప్రీలుక్ పోస్టర్ను చిత్ర యూనిట్ రిలీజ్ చేయగా, అందులో అదిరిపోయే బాడీతో మనకు శౌర్య కనిపించాడు.
కాగా తాజాగా ఈ సినిమాకు సంబంధించిన ఫస్ట్ లుక్ పోస్టర్ను చిత్ర యూనిట్ రిలీజ్ చేశారు.
స్పోర్ట్స్ బ్యాక్డ్రాప్తో తెరకెక్కుతున్న ఈ సినిమాలో నాగశౌర్య ఆర్చరీ ఆటగాడిగా మనకు కనిపిస్తాడు.
ఇక ఈ సినిమాలో శౌర్య స్టన్నింగ్ లుక్లో కనిపిస్తున్నాడు.పూర్తిగా ఫిట్ బాడీతో, అదిరిపోయే సిక్స్ ప్యాక్తో ప్రేక్షకులను అవాక్కయ్యేలా చేశాడు ఈ హీరో.
జుట్టు కూడా పెంచిన నాగశౌర్య, ఈ సినిమా కోసం తన అలవాట్లను పూర్తిగా మార్చుకున్నట్లు తెలుస్తోంది.ఇక తనకెంతో ఇష్టమైన ఆర్చరీ ఆటలో విజయం సాధించేందుకు ఓ యువకుడు ఎలాంటి కష్టాలు, అవాంతరాలను ఎదుర్కొన్నాడు అనే కాన్సెప్ట్తో ఈ సినిమా వస్తున్నట్లు చిత్ర యూనిట్ తెలిపింది.
సంతోష్ జాగర్లపూడి డైరెక్ట్ చేస్తున్న ఈ సినిమా కథ నాగశౌర్యకు బాగా నచ్చిందని, అందుకే ఇంతలా కష్టపడుతున్నట్లు తెలుస్తోంది.ఇక ఈ సినిమాలో శౌర్య సరసన కేతిక శర్మ హీరోయిన్గా నటిస్తోంది.
కాగా ఈ సినిమాను నార్త్స్టార్ ఎంటర్టైన్మెంట్స్, శ్రీ వెంకటేశ్వర సినిమాస్ బ్యానర్లు సంయుక్తంగా ప్రొడ్యూస్ చేస్తున్నాయి.ఈ సినిమాతో శౌర్య అదిరిపోయే సక్సెస్ అందుకోవడం ఖాయమని చిత్ర యూనిట్ ధీమా వ్యక్తం చేస్తున్నారు.