అవినాష్ ను కాపాడుతోంది జగనే.. షర్మిల ఫైర్ 

అన్ని ఆధారాలు ఉన్నా,  అతడిని జగన్ కాపాడుతున్నారని షర్మిల ఆగ్రహం వ్యక్తం చేశారు.” వైసిపి పాలనలో రైతులు తీవ్రంగా నష్టపోయారు.ధరల స్థిరీకరణ అని చెప్పి జగన్ మోసం చేశారు వైఎస్సార్ హయాంలో రైతు రారాజు,  ఇప్పుడు అప్పులేని రైతే లేడు.పంట నష్టం జరిగితే రూపాయి కూడా పరిహారం రావడం లేదు.

డ్రిప్ వేసుకోవడానికి అవకాశం లేకుండా సబ్సిడీలు అన్ని ఆపేశారు.సంపూర్ణ మధ్య నిషేధం హామీ ఇచ్చారు కానీ ప్రభుత్వమే విక్రయిస్తోంది.

  ఇష్టారీతున అమ్ముతున్నారు .కల్తీ మద్యంతో ప్రజల ప్రాణాలు తీస్తున్నారు.2.30 లక్షల ప్రభుత్వ ఉద్యోగాలు భర్తీ చేస్తానని జగన్ హామీ ఇచ్చారు .మెగా డీఎస్సీ( Mega DSC ) వేస్తామని చెప్పారు.నాలుగున్నర ఏళ్లు నిద్రపోయి కేవలం 6000 ఉద్యోగాలకు నోటిఫికేషన్ ఇచ్చారు.

జగన్ ది హత్య రాజకీయాలు చేసే పాలన సొంత బాబాయిని చంపిన నిందితులను కాపాడుతున్నారు.నిందితుడిగా ఉన్న అవినాష్ కే మళ్లీ టికెట్ ఇచ్చారు.

 అతడు చట్టసభల్లోకి వెళ్ళకూడదు.అన్యాయాన్ని ఎదిరించేందుకే ఎంపీగా పోటీ చేస్తున్నా, న్యాయం కోసం పోరాటం ఓవైపు,  హంతకులు మరోవైపు.ప్రజలు ఎవరిని గెలిపిస్తారో ఆలోచించాలి.హంతకులకు ఓటు వేయవద్దు.వైఎస్సార్ బిడ్డను గెలిపించాలని కోరుతున్నా, ఏ కష్టం వచ్చినా అందుబాటులో ఉంటా ”  అంటూ షర్మిల ప్రజలకు పిలుపునిచ్చారు.