మాళవిక శర్మ 2018 సంవత్సరంలో మాస్ మహారాజా రవితేజ నెల టికెట్‘ సినిమాతో టాలీవుడ్ లోకి అడుగుపెట్టింది.ఈ సినిమా ప్లాప్ అయినా కూడా ఈ ముంబై ముద్దుగుమ్మ మాళవిక శర్మ అందం, అభినయంతో మంచి గుర్తింపు తెచ్చుకుంది.
తర్వాత రామ్ సరసన సినిమా అవకాశాన్ని అందుకుంది.రామ్ హీరోగా నటించిన రెడ్ సినిమాలో మాళవిక శర్మ హీరోయిన్ గా నటించింది.
కానీ ఈ సినిమా కూడా ఆశించిన స్థాయిలో విజయం సాధించలేక పోయింది.
అంతేకాదు మాళవిక శర్మ ఆహా ప్రొమోషన్స్ లో త్రివిక్రమ్ డైరెక్షన్ చేసిన ప్రమోషనల్ యాడ్ లో అల్లు అర్జున్ తో కలిసి నటించింది.
అయితే ఈ అమ్మడు లాయర్ చదువుకుంది.వృత్తి పరంగా లాయర్ అయినా కూడా ఈమె నటిగా కొనసాగుతూ ఉంది.మాళవిక లాయర్ అనే విషయాన్నీ చాలా సార్లు పలు ఇంటర్వ్యూ ల్లో వెల్లడించింది.
అయితే మాళవిక నటిగా కొనసాగుతున్న కూడా ఆమె వృత్తిని వదిలి పెట్టడం లేదు.ఈమె ముంబై లోని రిజ్వీ లా కళాశాలలో పట్టభద్రురాలయ్యారు.2020 నవంబర్ లో ఎల్.ఎల్.బి లో పట్టా పొందారు.2021 జనవరిలో బార్ కౌన్సిల్ నుండి లైసెన్సు పొందింది.ముంబై విశ్వ విద్యాలయంలో ఎల్.ఎల్.ఎమ్ లో ప్రవేశ పరీక్ష కూడా క్లియర్ చేసారని తెలుస్తుంది.
అయితే ఇప్పుడు ఈ అమ్మడు హైదరాబాద్ హైకోర్టులో ప్రాక్టీస్ చేస్తుందని తాజాగా వస్తున్న సమాచారం.హైకోర్టులో జూనియర్ న్యాయవాదిగా ప్రాక్టీస్ మొదలు పెట్టింది.తన వృత్తిని కొనసాగిస్తూనే సినిమాల్లో కూడా నటించాలని మాళవిక భావిస్తుంది.అంతేకాదు ఈ ఈ అమ్మడు వృత్తిపరంగా క్రిమినాలజీ లోనూ నైపుణ్యం పొందాలని చూస్తుంది.
ప్రస్తుతం లాయర్ దుస్తుల్లో ఉన్న మాళవిక ఫోటో చూసి అభిమానులు గ్రేట్ అంటూ ఈమెను పొగుడుతున్నారు.
తెలుగు వార్త విశేషాలు సులభముగా తెలుసుకోండి!!!!
