ఇప్పటి యుగంలో సోషల్ మీడియా ప్రభావం చాలా పెరిగింది.చిన్న సంఘటనల నుంచి ఆశ్చర్యకరమైన ఘటనలు వరకు ప్రతి విషయం క్షణాల్లో వైరల్ అవుతుంది.
ముఖ్యంగా, ప్రమాదాలను తెలివిగా ఎదుర్కొన్న వారు, వారి స్పందనలు నెటిజన్లను ఆశ్చర్యానికి గురిచేస్తాయి.అలాంటి ఓ వీడియో ప్రస్తుతం నెట్టింట వైరల్‌గా మారింది.
ఓ 11 ఏళ్ల బాలుడు తన పెంపుడు కుక్కను( pet dog ) ప్రాణాపాయం నుంచి ఎలా రక్షించాడో ఈ వీడియోలో స్పష్టంగా కనిపిస్తోంది.
ప్రస్తుతం సోషల్ మీడియాలో వైరల్ అవుతున్న ఈ వీడియోలో, 11 ఏళ్ల బాలుడు తన పెంపుడు కుక్కను తీసుకుని లిఫ్ట్‌లోకి ప్రవేశించాడు.
అయితే, అతను గమనించకముందే కుక్క మెడకు కట్టిన తాడు లిఫ్ట్ డోర్‌లో ఇరుక్కుంది.లిఫ్ట్ పైకి వెళ్తుండగా, తాడు లిఫ్ట్‌తో పాటు పైకి లాక్కొని వెళ్లిపోయింది.బాలుడు ఒక్కసారిగా షాక్ అయ్యాడు.అయితే, అతను భయపడకుండా వెంటనే అప్రమత్తమై తన పెంపుడు కుక్కను గట్టిగా పట్టుకున్నాడు.
కుక్క మెడకు తాడు బిగుతుగా ఉండటంతో అది ఊపిరాడక ఇబ్బంది పడే పరిస్థితి ఏర్పడింది.కానీ, బాలుడు తెలివిగా స్పందించి దాన్ని పట్టుకుని పైకి లేచాడు.ఇంతలో, కుక్క తాడును మెడనుంచి విడిపించుకుని కిందకి దూకింది.దీంతో కుక్క ప్రాణాపాయం నుంచి బయటపడింది.అనంతరం బాలుడు కూడా తాడును వదిలేశాడు.అయితే, ఆ తాడు లిఫ్ట్ డోర్‌లో ఇరుక్కుండిపోయింది.
దాన్ని విడిపించేందుకు బాలుడు ప్రయత్నించినా సాధ్యం కాలేదు.లిఫ్ట్‌లో ఇరుక్కున్న తాడును వదిలించేందుకు బాలుడు చాలాసేపు ప్రయత్నించాడు.
కానీ, ఫలితం లేకపోవడంతో లిఫ్ట్‌లోని ఎమర్జెన్సీ ఫోన్ తీసుకుని సహాయం కోరాడు.ఈ మొత్తం ఘటన లిఫ్ట్‌లోని సీసీటీవీ కెమెరాల్లో రికార్డు కాగా, దీనిని నెటిజన్లు తెగ షేర్ చేస్తున్నారు.
ఈ వీడియో చూసిన నెటిజన్లు బాలుడి ధైర్యాన్ని ప్రశంసిస్తున్నారు.అతను ఎంత తెలివిగా స్పందించాడో చూడండి అంటూ కామెంట్లు పెడుతున్నారు.అంతేకాదు, పిల్లలను ఒంటరిగా లిఫ్ట్‌లో పంపించకూడదని, ఎప్పుడూ పెద్దల సమక్షంలోనే ఉండాలని చాలా మంది సూచిస్తున్నారు.ఈ సంఘటన అందరికీ ఒక గొప్ప గుణపాఠంగా మారింది.
