కొణిదెల చిరంజీవి( Konidela Chiranjeevi ) తెలుగు చిత్రసీమలో అత్యంత గౌరవనీయమైన నటులలో ఒకరు.తన అద్భుతమైన నటన, కష్టపడి సాధించిన విజయాలు, సామాజిక సేవ ద్వారా ప్రపంచవ్యాప్తంగా కోట్లాదిమంది అభిమానులను సంపాదించుకున్నారు.
సినీ ప్రస్థానంలో నాలుగున్నర దశాబ్దాలుగా అపారమైన పేరు, ఖ్యాతిని పొందిన చిరంజీవి, దేశంలోనే కాకుండా అంతర్జాతీయ స్థాయిలోనూ భారతీయ సినీ రంగాన్ని ప్రతిబింబించే వ్యక్తిగా ఎదిగారు.తన సినీ జీవితంలో అనేక పురస్కారాలు అందుకున్న చిరంజీవికి ఇటీవల భారత ప్రభుత్వం రెండవ అత్యున్నత పౌర పురస్కారం అయిన పద్మ విభూషణ్ ను ప్రదానం చేయగా, తాజాగా యూకే పార్లమెంట్ జీవిత సాఫల్య పురస్కారాన్ని( Life Time Achievement Award ) అందుకున్నారు.
ఈ నేపథ్యంలో ఆయన తమ్ముడు, ఆంధ్రప్రదేశ్ డిప్యూటీ సీఎం పవన్ కళ్యాణ్( Pawan Kalyan ) ట్విట్టర్ వేదికగా స్పందిస్తూ.చిరంజీవి గురించి తన భావోద్వేగాలతో కూడిన సందేశాన్ని షేర్ చేశారు.
పవన్ కళ్యాణ్ తన ట్వీట్‌లో, చిరంజీవి సాధారణ మధ్యతరగతి కుటుంబంలో జన్మించి, స్వశక్తితో ఎదిగిన ప్రతిభావంతుడిగా ప్రశంసించారు.ఒక ఎక్సైజ్ కానిస్టేబుల్ కొడుకుగా జీవితం ప్రారంభించి.
తన శ్రమ, ప్రతిభ, కళామతల్లి దీవెనలతో మెగాస్టార్‌గా ఎదిగిన చిరంజీవి గారు నాకెప్పుడూ గర్వకారణం.ఆయన నాలుగున్నర దశాబ్దాలుగా ప్రపంచవ్యాప్తంగా అభిమానులను అలరిస్తూ, 9 ఫిలింఫేర్, 3 నంది అవార్డులు అందుకున్నారు.
నటనకు పర్యాయ పదంగా నిలిచిన మహానుభావుడు నా అన్నయ్య, అంటూ తన భావాలను వ్యక్తం చేశారు.
అంతేకాదు, చిరంజీవిని తాను అన్నయ్యగా మాత్రమే కాకుండా తండ్రి సమానంగా భావిస్తానని పేర్కొన్నారు.నా జీవితంలో నేను ఏమి చేయాలో తెలియక అయోమయ స్థితిలో ఉన్న సమయంలో నాకు మార్గం చూపిన వ్యక్తి చిరంజీవి.ఆయన నా జీవితానికి నిజమైన హీరో అని పవన్ కళ్యాణ్ అభిప్రాయపడ్డారు.
చిరంజీవి సినీ రంగంలోనే కాదు, సామాజిక సేవలో కూడా ప్రముఖ పాత్ర పోషిస్తున్నారు.ఆయన స్థాపించిన చిరంజీవి చారిటబుల్ ట్రస్ట్( Chiranjeevi Charitable Trust ) ద్వారా వేలాది మంది రోగులకు రక్తదానం, నేత్రదానం వంటి సేవలు అందిస్తున్నారు.
ఈ ట్రస్ట్ ద్వారా లక్షలాది మంది అభిమానులను సేవా కార్యక్రమాలకు ఆకర్షించడం గొప్ప విషయం అని పవన్ కళ్యాణ్ గుర్తు చేశారు.తన సేవా స్పృహతో కోట్లాది అభిమానులను సమాజ సేవకులుగా మార్చిన స్ఫూర్తి ప్రదాత మా అన్నయ్య శ్రీ కొణిదెల చిరంజీవి గారు అని పేర్కొన్నారు.
ఇటీవల భారత రాష్ట్రపతి ద్రౌపదీ ముర్ము గారి చేతుల మీదుగా పద్మ విభూషణ్ పురస్కారం అందుకున్న చిరంజీవి, ఇప్పుడు యూకే పార్లమెంట్ నుండి జీవిత సాఫల్య పురస్కారాన్ని అందుకోవడం భారతీయ సినీ రంగానికి గర్వించదగిన విషయం.ఈ నెల 19న లండన్‌లో ఈ పురస్కార కార్యక్రమం జరగనుంది.పవన్ కళ్యాణ్ ఈ పురస్కారంపై సంతోషం వ్యక్తం చేస్తూ, “ఈ గౌరవాన్ని అందుకున్న చిరంజీవి గారికి హృదయపూర్వక అభినందనలు.భవిష్యత్తులో మరిన్ని పురస్కారాలు అందుకుని మాకు మార్గదర్శకుడిగా నిలవాలని కోరుకుంటున్నాను,” అని ట్వీట్ చేశారు.
ఈ కార్యక్రమానికి హోస్ట్‌గా వ్యవహరిస్తున్న స్టాక్ పోర్ట్ ఎంపీ నవేందు మిశ్రాకి పవన్ కళ్యాణ్ ప్రత్యేక ధన్యవాదాలు తెలిపారు.
